網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月10日 星期日

【高唱《我願意》】四太叫阿仔追麥明詩 猷亨表明唔敢同林作爭 __,四太,麥明詩,林作,猷亨,梁安琪,

麥明詩(Louisa)噚日突然去澳門為四太率領嘅「澳門發展新連盟」站台拉票,麥明詩否認撐建制派,話只係撐好朋友何猷亨。其實麥明詩同猷亨算係識於微時,當 ...


麥明詩(Louisa)噚日突然去澳門為四太率領嘅「澳門發展新連盟」站台拉票,麥明詩否認撐建制派,話只係撐好朋友何猷亨。

其實麥明詩同猷亨算係識於微時,當時麥明詩仲未選港姐冠軍前,喺英國讀書已經認識猷亨;四太亦好欣賞麥明詩,知佢讀書叻,就搵咗Louisa幫細女超欣補習。四太仲喺台上爆料,話好想Louisa同猷亨拍拖,四太話﹕「嗰時佢哋十六、七歲,見到阿詩,覺得呢個女仔幾好。點知阿詩之後拍咗拖(指林作),就同阿亨講話佢走寶。」

猷亨就借麥明詩同林作戀情搞氣氛:「我老死(指林作)愛我,多過愛佢,我哋感情十幾年。你今日咁啱路過,支持吓我哋好唔好呀。」之後,麥明詩唱《我願意》,台下有人起哄,猷亨就話:「係我願意投你一票。」麥明詩就笑笑口:「我願意支持四太,你阿媽。」

對於麥明詩被指撐建制派,何猷亨今日回覆《蘋果》代好友解話﹕「今日我哋搞選舉活動,大家係一場朋友,朋友嚟撐我,唔係講政治。咁啱好多英國讀書嘅朋友嚟玩,大家嚟探我班。」而四太就繼續讚麥明詩,四太話﹕「佢哋成班朋友嚟咗澳門玩,嚟捧阿亨場,我見到佢,梗係要捉佢上台,呢個小女孩,係我個仔朋友仔,我識佢嗰時都未做香港小姐,佢讀緊劍橋,幫欣欣(超欣)補習,已好欣賞佢,佢讀書好叻,話晒十優,佢講嘢好叻,欣欣考到間好大學,都好多謝佢,佢係一個好榜樣。」

問到點解今年搵埋猷亨一齊參加選舉,四太話:「依家要關心多啲青年問題,佢對青年會瞭解多啲,唔係淨係佢,我哋團隊有青年教師、文創,同佢都o係澳門做咗幾年嘢,知道年青人須求,住屋、教育,同專注澳門博彩業。」



麥明詩(Louisa)噚日突然去澳門為四太率領嘅「澳門發展新連盟」立台拉票。 其實麥明詩同猷亨算係識於微時,喺英國讀書已經認識猷亨。


猷亨同林作真係好老友,以前會帶埋女朋友一齊去玩。(資料圖片)

鍾意就快D Share啦!