呢個爸爸唔話得！
歌手蘇志威出席以復康大使身分與細囡蘇靖珺出席活動，他表示到來支持朋友及接受禮物：「平時社交網Post嘅健康資訊都係佢教我。」而大囡蘇君蕎及細囡蘇靖珺有扁平足的情況：「細囡都有少少扁平足，今日會嚟示範吓健康產品，佢平時企得多會好攰，上次用咗啲產品去日本旅行好舒服。」
蘇志威又表示18歲的大囡蘇君蕎讀完中學六年級後沒有繼續升學，決心追尋自己的夢想：「佢好多同學都入晒港大、中大，但佢決定去做甜品，13歲已開始學，依家喺五星級酒店跟師傅學師拎經驗，出年再去日本深造幾年。（會唔會打本畀佢開舖？）呢樣遲啲先講，但想佢用自己雙手去闖，都好放心畀佢做。」他直言自己是女兒後盾：「佢冇同父母交代嘅壓力，冇經濟壓力，畀心機搵自己夢想就得，作最大支持。（佢自己同你講要整甜品？）佢係主動講，阿女話唔想讀大學。我老婆都有同佢傾偈，叫佢唔想讀都要考好個試，最後有交代拎咗20幾分，夠分讀大學。（細囡點？）佢話想做Fashion Designer（時裝設計師）。」
來源 source: http://hk.on.cc
|
鍾意就快D Share啦！
|
|
|