網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月9日 星期六

名人:結婚會請家人 王曼喜讚鄧達智勇敢 __,王曼喜,王敏德大女,馬詩慧大女,鄧達智,

王曼喜覺得邀唔邀請家人出席婚禮係個人選擇,但自己將來結婚就一定會請!(資料圖片)香港著名時裝設計師鄧達智(William)今晚與拍拖一年、任職醫生的男 ...


王曼喜覺得邀唔邀請家人出席婚禮係個人選擇,但自己將來結婚就一定會請!(資料圖片)


香港著名時裝設計師鄧達智(William)今晚與拍拖一年、任職醫生的男友陳梓欣舉行喜宴,是第一對公開在香港「結婚」的名人。城中同志紛紛送上祝福,已婚的趙式芝以佢為榮、王賢誌讚佢為愛戰勝一切,另外近年「出櫃」獲家人支持的王曼喜(Kayla)大讚愛得偉大!

趙式芝爹哋態度軟化

趙式芝(GiGi)為William敢在港搞同志「婚禮」大感光榮,她說:「真係好替佢開心,始終佢係圍村嘅長子有更大壓力。」而GiGi與波爾錶太子女楊如芯(Sean)當年是城中首位公開同志關係的名人,隨即遭爹哋趙世曾極力反對,仲出動五億元招婿。而William為免家人尷尬,「婚宴」上亦沒有邀請家人出席,Gigi表示覺家人祝福很重要,說:「時間可以接受到好多啲,一段關係要經得起時間嘅考驗,依家爹哋態度已軟化晒,我哋親戚嘅聚會見到對方,大家都有打招呼,但婚姻唔單止係兩個人嘅事,家人亦好重要。」問到會否更積極爭取同性婚姻合法化,她說:「要法律認可同性婚姻,不如做好啲認知工作,等大家更了解同志關係唔係乜特別一回事,亦唔好恐懼同誤解佢。」講到William放棄近億的祖業,Gigi說:「佢自己事業有成就,呢方面對佢冇問題,重要係佢放開咗屋企畀佢嘅枷鎖,做自己鍾意做嘅嘢,以佢為榮。」

王賢誌撐William

而名人王賢誌年多前與Kevin於加拿大結婚,問到選擇於外地結婚,會否是想避免家人尷尬,他說:「唔係,我當時嘅婚禮都好小型,主要係家人同好Close朋友。(點解唔喺香港搞?)香港要請好多人,反而搞起想嚟要好隆重,咁不如分批約唔同朋友食飯慶祝。(唔係驚家人尷尬?)我同William做法唔同,但最重要一對新人開心,唔使理別人嘅目光。(為愛情放棄近億嘅祖業?)好偉大,佢呢個年紀此舉係大膽嘅改變,將自己生活翻天覆地改變,為愛戰勝一切,好支持佢。」

王曼喜愛低調

馬詩慧的長女王曼喜(Kayla)近年「出櫃」獲家人支持,William亦自少睇住Kayla大,對於William公開「結婚」,Kayla覺得二人好勇敢:「係好事,終於有人企出嚟為同志朋友慶祝愛,好開心,我希望佢哋幸福,永結同心。」提到William因免家人尷尬,所以不邀請家人出席婚宴,她表示是個人選擇,而且每個人與家人關係都不一樣,要尊重別人,她說:「我結婚我希望家人都出席,支持我。(你將來會唔會效法佢搞個公開婚禮?)未諗到咁遠,我鍾意低調,一定會叫家人,家人係第一位,不過我搞會小型啲,都好難講。(係咪拍緊拖?)了解中,未拍拖。」

她亦坦言香港在同性婚姻合法化仍然落後,其他國家已一步一步立法,同性婚姻不單是婚姻,而是權利:「大家都有相同權利,一對男女可以結婚,但點解唔可以女女同男男,其實好簡單,覺得香港要開通啲。」至於William為結婚放棄近億的祖業,她直言:「每一種愛都要作某方面犧牲,佢係錢,愛係偉大,愛大過天,可以搵到終生伴侶而放棄物質。」


來源 source: http://hk.on.cc
鍾意就快D Share啦!