歌手鄧紫棋（G.E.M.）現身izzue秋冬時裝騷，她以運動型bra top露小蠻腰上陣，她透露是受好友馬天佑之邀出席，希望支持本地品牌，她說：「我最近都喺時裝上學習緊同開始愛上，mix and match嘅過程好開心。有啲造型係自己配搭，好似去機場咁，各地粉絲都會用啲好專業嘅相機影相，有啲影得好靚。（覺唔覺得自己有時裝觸覺？）開始搵到自己鍾意嘅風格，同埋清楚邊啲係唔適合自己，都係需要學習，例如我好少着緊身短裙，因為我下腹好易脹氣，無論幾努力練馬甲線都冇用，我食得豆多就會好多氣，呢啲都係從以前經驗得番嚟，知道點去避免。（咁會唔會少着皮褲？）唔會，我最近先搵到一條運動款皮褲。我最近比較鍾意street fashion ，休閒啲。」
身邊朋友讚品味好咗
對於衣着經常受到劣評，G.E.M.坦言每個女孩子都想靚，惟有保持學習心態：「唔好太在意人地眼光，唔好因爲一次批評就覺得自己一世都唔會靚，對自己有自信最緊要。（男友Mark Ngai最近有否稱讚她衣着品味好咗？）身邊好多朋友都有讚我。（有冇買衫畀男友？）你地已經用呢個（男友）做代名詞？我會稱佢為Stylist，佢畀好多意見我，佢好鍾意street fashion 。」
至於會否跟好友兼賭王三房千金何超蓮談時裝經？她稱超蓮最近很熱心慈善工作，所以兩人的話題以慈善為主：「佢成立咗個charity半年，我都啱啱成立咗一個，睇吓大家有冇機會合作搞個慈善活動，我有諗過義賣啲衫，因為我太多衫，我前排執屋發覺好多衫都可以攞出嚟捐，不過就要等我忙完個演唱會先。其實我同超蓮十月會合作搞一個大型戶外活動。」
同韓國小鮮肉派心心
另外，同場有來自韓國的19歲小鮮肉金始炫，G.E.M.表示今次是第一次見對方，大讚他得意：「好多韓國藝人鍾意做畀心動作，我以前唔識做，啲人話我個手勢似數銀紙，我頭先一做個畀心動作，佢（金始炫）就笑。（你鍾唔鍾意韓星？）我以前細個好鍾意睇《浪漫滿屋》，距離就是美，令人有好多幻想。（想唔想同韓星合作？）可以有多啲跨界合作，而且K Pop係個潮流，如果音樂上可以合作好開心。」
|
鍾意就快D Share啦！
|
|
|