掃呢頁CODE去手機

2017年9月13日 星期三

黃翠如微露事業線撼真空袁偉豪 __,翠如,袁偉豪,黃翠如,

睇袁偉豪就悶啫,但係睇翠如BB今日個Look真係完全唔悶啵~無綫藝人黃翠如與袁偉豪出席護膚品牌活動,袁偉豪自爆女友張寶兒皮膚好好:「除咗我畀佢滋潤外, ...


睇袁偉豪就悶啫,但係睇翠如BB今日個Look真係完全唔悶啵~


無綫藝人黃翠如與袁偉豪出席護膚品牌活動,袁偉豪自爆女友張寶兒皮膚好好:「除咗我畀佢滋潤外,佢都好識護膚,嚟緊就中秋,天氣開始乾燥。(中秋會否見家長?)睇吓有冇時間。(是否見晒家長?)之前演出時有邀請佢媽咪嚟,咁節日都可聯誼吓。(佢對你印象點?)我冇問,希望好。」在旁黃翠如即時話嬲對方,指識咗新朋友都沒有通知佢,袁偉豪解釋說:「因為翠如喺我失意時陪住我,上年11月開始我哋一齊拍《使徒行者2》,大家日日見面,成日傾偈,佢嬲我識新朋友都冇同佢講。」問到翠如有冇教幾招袁偉豪冧外母?她即說:「佢好叻,係女人湯圓。」袁偉豪即反擊說:「蕭正楠都係。」黃翠如說:「佢係冧媽咪級同小朋友,你就冧女人,睇佢成日除衫就知,我哋一齊拍劇,佢劇入面成日除衫,我都睇到悶。」

翠如難得性感露事業線,她笑說:「我知佢今日真空性感,唔可以畀佢獨美。條裙係我朋友設計,好多時會着佢設計嘅衫。(蕭正楠知唔知你性感?)佢唔喺香港。」問到將來結婚會否着朋友設計嘅婚紗?她表示未諗,但妹妹亦有自己設計衫:「如果人生呢個重要時刻着妹妹車嘅衫,都會好sweet,但結婚未有time table。」袁偉豪即爆:「你之前去澳洲係咪註冊?」翠如即望住對方,袁偉豪解釋係去做嘢,翠如還擊:「你之前都一齊去咗旅行。」袁偉豪說:「你成日爆我哋嘢。」翠如被問到係否秘婚?她說:「未了解呢樣嘢,相信會好煩,同埋無論去邊度註冊,你哋都查到,真係結婚會話畀大家知。」


來源 source: http://hk.on.cc
鍾意就快D Share啦!