藝人夏雨仔仔黃奕晨（Dixon）與Super Girls成員Cheronna公開戀情後，兩人拍拖兩個月來都各有各忙。日前Dixon和歌手李拾壹在在尖沙咀拍攝ViuTV劇集《未來還未來》，Dixon現場與工作人員關係甚佳，沿途有講有笑，不過奇怪的是，當日沒有場口，在選美節目《D.n.A美選》中，以21吋蛇腰撼低36F豪乳鄧月平成的冠軍得主羅伊婷（Daisy）突然出現，令現場工作人員大感奇怪。
坐埋一邊食
原來身穿露臍裝的Daisy是專程送外賣，見兩位抽住大膠袋的她，請全場工作人員食雪糕解暑，唯獨請Dixon食獨一無二的雞蛋仔和夾餅，其後「雙D」懶理其他工作人員，兩人坐埋一邊又食又玩，見兩人一邊食雞蛋仔一邊齊睇電話，Daisy又不停放電，一時輕托香腮，一時做出可愛動作，Dixon就好受落，全程笑騎騎照單全收。
互相探班
當兩人被發現「獨食」雞蛋仔，Daisy表現相當驚訝，表情呆一呆，再擠出老尷笑容及揮手，而Dixon也禮貌地打招呼。問兩人是否拍劇中？Dixon即說：「我係。」Daisy再答：「我唔係，不過咁啱係附近嚟探班。」Dixon再補充：「我哋拍劇就冇乜見，所以成日都互相去其他三個主角場口度探班打打氣。」再問Daisy送外賣好Sweet？Dixon說：「我哋拍劇就冇乜見，所以成日都互相去其他三個主角場口度探班打打氣！（怕唔怕女友Cheronna呷醋？）唔會我平時都會同佢報告行蹤，何況今日開工之嘛，冇特別啊！」愈解釋愈緊張的他要用劇本撥涼降溫。
Daisy似呷醋
問到為何只得Dixon有得食雞蛋仔？Daisy咿咿哦哦：「因為…」Dixon自爆：「佢頭先Message我。」Daisy聞言緊張到抺面又整帽再笑罵：「麻煩友。」Dixon說：「佢知我唔係乜都食。」Daisy和應：「佢唔係乜都擺入口㗎。」Dixon又話不怕女友Cheronna呷醋，因為他常向女友匯報行程，但Daisy似有醋意，指Dixon不似會向女友報行蹤的人。Daisy又指Dixon「唔係佢杯茶」，亦唔怕Cheronna嬲：「我都有請其他人食嘢㗎。」
Cheronna圍護男友
現身在外地的Cheronna被問到男友食Daisy外賣，她說：「咁多朋友請佢食嘢，佢會唔會變肥仔㗎？佢應該有畀番錢Daisy嘅。」她圍護男友，指他「好似」提及此事，知男友和Daisy等拍劇中。
|
鍾意就快D Share啦！
|
|
|