網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年9月20日 星期三

【獨家】性感尤物變賢妻 42歲湯盈盈見囡囡扭計仲嗒糖 __,盈盈,湯盈盈,

在加拿大滿地可長大嘅湯盈盈,出名熱情,性格又夠開放,曾經係無綫御用「狐狸精」,演技到位。不過,盈盈自從2012年嫁咗俾錢嘉樂之後就「從良」,謝絕性感演 ...


在加拿大滿地可長大嘅湯盈盈,出名熱情,性格又夠開放,曾經係無綫御用「狐狸精」,演技到位。不過,盈盈自從2012年嫁咗俾錢嘉樂之後就「從良」,謝絕性感演出,仲為嘉樂誕下4歲大女錢凱晴(Alyssa)同下月便2歲嘅細女錢凱琪(Kassidy)。

據悉盈盈婚後曾想過退出幕前,專心相夫教女;但由於無綫近年常有好戲之人離巢,盈盈獲極力挽留,並安排演出處境劇《愛回家》系列,返工同放工時間較穩定,令盈盈可以騰出多啲時間照顧小朋友,又可以幫輕頭家,搵多啲奶粉錢。

大前日下午四點鐘,盈盈駕駛寶馬接載大女Alyssa去灣仔洛克道一楝商廈,大廈內有幾間playgroup,估計盈盈係帶囡囡去上堂。盈盈先將車停喺附近讓代客泊車,見佢一馬當先落車,行去後座位攞咗一個背包同手袋,然後就開前座車門俾囡囡落車。而由落車位置行去商廈,雖然只有約兩分鐘步程,但見Alyssa拎住隻匙羹,好用心咁舀起膠袋裏面嘅食物,全程行得好慢好慢,一直跟住背後嘅盈盈好有耐性,冇鬧囡囡之餘仲笑得好開心。用咗大約雙倍時間行到去門口,Alyssa突然扭計仔,踏咗幾下地,仲唔小心將食物跌咗落地下,盈盈就幫手執番起,好有公德心。

盈盈噚日接受傳媒訪問時,就否認囡囡有扭計,佢話﹕「佢將啲食物放上匙羹上面,因為要平衡唔想食物跌,所以行得好慢。(見你好開心?)我望住啲囡就好嗒糖,覺得佢哋好得意。」盈盈透露囡囡當日係去上美術堂,話大女已過咗頑皮階段,反而細女有啲會曳啲,佢笑笑口話﹕「細女頑皮啲,仲好大膽,有佢老竇身手。」

盈盈好享受家庭生活,每次提起兩個女就笑到好冧。(攝影﹕徐錦池、吳耀輝)

囡囡要將食物放上匙羹練平衡力,唔俾媽咪拖住行。
盈盈現在主力拍處境劇《愛·回家之開心速遞》,其他時間就主力湊女。

囡囡扭咗一陣計,但最後都好乖聽媽咪話。
囡囡唔小心掉咗一舊食物落地,盈盈即刻執番起,好有公德心。 盈盈樂樂加埋兩個可愛囡囡,一家四口好幸福。 盈盈初出道時係性感尤物,經常被派演狐狸精角色。(資料圖片)

鍾意就快D Share啦!