阿Sa講起男友就笑得好甜。
歌手蔡卓妍（阿Sa）與師弟楊天宇出席主題樂園的鬼屋活動，帶上魔鬼牛角頭飾襯熱褲騷長腿的阿Sa笑說：「好後悔冇認真去打扮，搞到好似好Hea。」並透露兩年前曾孖好姊妹容祖兒入場感受鬼屋氣氛。
問到今年會否相約麻雀館太子爺男友石恆聰入鬼屋玩？阿Sa說：「睇下有冇時間。（佢好細膽？）還好啦。」記者笑指她可趁機扮驚？阿Sa笑說：「搞啲咁嘅嘢？唔好（得閒要咋吓嬌？） 我驚我忍唔住嘔或者佢都忍唔住嘔。」 她否認與男友同居，她說：「我有自己屋企，唔好八卦啦，冇人想知，私人事唔想講太多，呢家樣樣都好。」
對於祖兒日前爆她去杜拜工作不時與男友開視頻，阿Sa坦言有睇報道說：「久唔久視頻啫。（仲話你男友放紙巾入你袋？）有時我都想女仔啲。（佢都好體貼？）都幾㗎。」問到9歲香港「小巨肺」譚芷昀在美國才藝真人騷《全美一叮》被淘汰，阿Sa說：「已經好勁，比賽一定有贏有輸，參加得預咗有輸嘅機會，盡咗力已經OK，至少好多人睇過佢演出同唱歌。」
而楊天宇透露曾帶女友玩鬼屋，他說：「我行頭，會拖住佢隻手。（有冇試過畀女仔趁機攬住？）少不免，不過出到鬼屋會推開佢。」
來源 source: http://hk.on.cc
|
鍾意就快D Share啦！
|
|
|