掃呢頁CODE去手機

2017年10月11日 星期三

【爆相爆片】分手1年即復合? 陳瀅猷亨甜笑互望睇煙花 __,陳瀅,猷亨,

賭王四房大仔何猷亨同大台小花陳瀅舊年7月分手,指拖只得半年,當時有指陳瀅想逼婚,嫁入何家做豪門新抱,而當時陳瀅就堅稱冇逼婚,共係由情侶退後一步變返做朋 ...


賭王四房大仔何猷亨同大台小花陳瀅舊年7月分手,指拖只得半年,當時有指陳瀅想逼婚,嫁入何家做豪門新抱,而當時陳瀅就堅稱冇逼婚,共係由情侶退後一步變返做朋友。

分手之後,二人都有聯絡,就好似今年7月,四太旗下尚嘉控股嘅灣仔樓盤灣仔壹嘉開售時,有讀者爆料見到陳瀅到示範單位睇樓,而當時猷亨都在場,上月猷亨喺澳門選立法會時,陳瀅著埋件競選黃Tee貼相喺facebook幫手拉票,二人嘅感情都好撲朔迷離。

日前,就有讀者張小姐透過爆相爆片,直擊二人喺中環ifc對出天橋睇國慶煙花匯演,由相片見到二人背後並排咁企睇緊煙花,睇睇下猷亨除下LV外套插袋望住陳瀅,而陳瀅都望住猷亨笑晒,張小姐表示:「當時大概9點10分,見到佢哋兩個企喺天橋睇緊煙花,初頭以為得佢哋兩個,原來仲有兩個男性友人,其中一個係外籍人士,佢哋四個人睇咗10分鐘就行返入ifc商場方向。」問到佢哋舉止親暱嗎,張小姐話:「冇親暱動作,唔似情侶,但就有不斷傾偈,同另外兩個朋友都有傾偈。」

(右圖為讀者張小姐提供圖片) 日前有讀者見到陳瀅同喺猷亨ifc對出天橋睇國慶煙花匯演。(讀者張小姐提供圖片) (讀者張小姐提供圖片)
睇睇下佢哋仲互望甜笑。(讀者張小姐提供圖片) 陳瀅同喺猷亨喺去年7月分手。 今年7月,四太旗下尚嘉控股嘅灣仔樓盤灣仔壹嘉開售時,有讀者爆料見到陳瀅到示範單位睇樓。

鍾意就快D Share啦!