掃呢頁CODE去手機

2017年10月11日 星期三

【真係何太】補搞Party唔擺酒 吳若希孖老公現身:太正經嘅嘢唔啱我 __,吳若希,

吳若希(Jinny)今日突然喺社交網絡fb、ig同微博同一時間,宣佈同老公Alex簽紙註冊結婚,而佢仲講明一切從簡咁,由律師、朋友以及公司老闆Herm ...


吳若希(Jinny)今日突然喺社交網絡fb、ig同微博同一時間,宣佈同老公Alex簽紙註冊結婚,而佢仲講明一切從簡咁,由律師、朋友以及公司老闆Herman見證下喺唱片公司office入面註冊。

消息一出,唔少傳媒喺星夢位於旺角嘅公司樓下守候,到咗大約5點15分,Jinny同老公由工作人員及老闆Herman陪同下離開唱片公司,問到佢點解揀今日註冊,Jinny就細細聲問老公,之後再答:「好日呀!」至於點解唔帶囡囡一齊嚟見證,佢就話怕囡囡攰。問到佢簽紙時有冇眼濕濕同埋有咩感受時,Jinny話:「冇呀,都幾習慣呀!哈哈!」

問到老公有冇愛的宣言,Alex話:「日日都有。」追問Jinny有冇感動到喊,Jinny話:「冇呀,其實都幾搞笑,成班朋友聚埋一齊,因為太正經嘅嘢唔啱我。」有記者問到Jinny早前話年尾,何以今日突然簽紙註冊,佢話:「咁10月都係年尾。(咁老公求咗婚未?)冇呀!唉!(咁幾時補番?)我諗結婚廿周年佢應該會做。」

之後Jinny仲話唔會擺酒,不過就會搞Party,不過日子未定,而地點亦都揀緊。及後二人登上七人車離開,駛到深井一私人屋苑。



攝影:孔志豪、吳耀輝 吳若希今日突然喺FB宣佈同老公Alex簽紙註冊結婚。
大約5點15分Jinny同老公離開星夢。

之後上車離開。


吳若希分別係微博、fb同ig上載結婚相。(網上圖片)

鍾意就快D Share啦!