2017年10月11日 星期三

【王浩信想繼後香燈】唔肯追仔致婚變?陳自瑤開腔解釋....... __,王浩信,陳自瑤,

陳自瑤(YoYo)間中都會post同5歲大囡囡王靖喬嘅合照上社交網,但就甚少見到王浩信。王浩信今日同太太YoYo出席活動,都有少少自責,話因為工作太忙 ...


陳自瑤(YoYo)間中都會post同5歲大囡囡王靖喬嘅合照上社交網,但就甚少見到王浩信。王浩信今日同太太YoYo出席活動,都有少少自責,話因為工作太忙太忙太忙,所以經常冷落嬌妻同冇時間陪囡囡。

原來佢哋一家三口,到現在都未試過一齊去旅行,王浩信話﹕「梗係想,暑期已經想,但...我都安排緊,除太太外,我更想同囡囡去旅行,佢咁大個女都未試過一家三口去旅行。但去(旅行)都要十日八日,暫時工作上安排唔到,希望完咗今年工作先,佢都明白我係一個事業心較重嘅人。」

YoYo一副賢妻樣點頭話理解﹕「即係佢喺工作上嘅嘢我係支持,唔通叫佢咩唔好接,冇可能,所以工作上嘅嘢盡量支持,佢忙辛苦我都體諒。」王浩信即刻同太太講﹕「 thank you.」

對於有報道指王浩信同YoYo出街冇交流,王浩信就暗寸話﹕「戴咗面罩都見到黑面?其實黑眼圈喺我度呀,噚晚收28、29,其實畀啲空間我哋啦。」YoYo補充﹕「我哋係有交流嘅,俾人寫到冇啫。」問到係咪都打算追個仔?YoYo好緊張咁話﹕「呢樣想澄清,之前好多新聞話我哋唔想生小朋友,因為關係變差,其實我從來冇講過唔生小朋友,每次訪問都係話隨緣,因為佢實在太忙,忙到根本冇時間,所以要隨緣,但我從冇話一定唔生。(現在ready?)都係嗰句,隨緣」

(左圖攝影:葉君海) 喺台上王浩信對「雷冬至」非常有興趣,似乎對生仔好有興趣。

YoYo就話其實佢冇唔生,只係順其自然。

鍾意就快D Share啦!