吳尊有「汶萊王子」之稱，原來真係差啲做咗王子！
喺汶萊出世嘅男星吳尊最近因為同一對仔女參加大陸親子真人騷《爸爸去哪兒5》而再受矚目，出身富裕家族嘅佢絕對係「高富帥」代表，兼有「汶萊王子」之稱，但原來佢真係差啲做咗王子呀！
佢接受訪問時，就自爆畀國王妹妹睇中，佢話：「對！我真的差一點變成王子，之前汶萊國王的妹妹想從爸爸那邊把我買過去，因為他們領養很多小朋友。」但佢慶幸「我爸爸沒有（把我賣掉）」，而且佢覺得同親生家人生活係最幸福！當問到如果有人想買佢嘅仔女時會點，佢就激動咁話：「沒辦法賣，殺了我吧！我跟他拼命了。」
吳尊仲罕有提到老婆，佢話當年係相睇認識，並唔係傳聞中嘅高中同學！佢直言冇諗過會墮入愛河，當時兩人嘅戀情萌芽中，但吳尊要去澳洲讀書，結果唔夠一個月，抵唔住相思之苦，讀咗一個月就返番去台灣，佢笑言：「算是為了愛情放棄學業！」佢又話會將家庭放喺第一位，搞到一班粉絲都大讚佢係好老公好爸爸，嗌好羨慕呀！
來源 source: http://hk.on.cc
|
鍾意就快D Share啦！
|
|
|