張繼聰（左圖）爆張家輝雙手曾經喺佢嘅身上游走…
藝人張繼聰、韓君婷及鄧洢玲等今午出席娛樂公司開幕活動。張繼聰被發現「打橫發展」，整個人大了起碼「一個碼」！他解釋是因為投入新片角色造型而加緊操練：「由本來144磅變成174磅，胸圍42吋。呢排拍《誇世代》宣傳片，服裝都唔敢叫我着番舊戲服喇，不過依家套新戲可能由出年押後到後年先開，我仲要去學某種運動。（挑戰張家輝？）近排我有見過佢，佢嘅雙手都喺我身上游走，佢係第一人，冇人超越到嘅。」
出事後收幾千個短訊
談到日前泊車發生意外，阿聰笑言不要再提其傷心事：「但感受到人間有情，收到幾千個短訊，跟住我撞車張相，畀dislike手勢。昨晚去食飯亦有年青人喺我面前（dislike），我儲晒世界各地嘅dislike喇。爸爸幫我補啲油，架車遲啲先至拎去大修，大家以後見到我泊車，識做走遠啲，我係車手嚟。」
避談謝安琪加盟麥浚龍公司
至於愛妻謝安琪簽約麥浚龍公司旗下，阿聰表示：「詳情由佢哋講，我都好放心嘅，佢依家都以照顧小朋友為主，就算係出年嘅事，出年成年好長嘅。」
韓君婷冇復出打算
至於韓君婷則代表任職美容機構出席，她表示到場「揀蟀」拍廣告，又指現在新人幸福，可以透過不少社交平台宣傳自己。問到可有興趣復出幕前？她坦言：「我享受依家嘅工作，以前人揀我，依家我揀人，少咗壓力。」
來源 source: http://hk.on.cc
|
鍾意就快D Share啦！
|
|
|