網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年10月4日 星期三

【貼相自露玄機】升呢同陳展鵬同居? 單文柔向閨蜜報喜 __,陳展鵬,展鵬,單文柔,陳展,


單文柔同陳展鵬呢對,點講好呢?數數手指,自從今年3月俾《蘋果》斷正喺山頂車廂摸黑談心後(新聞連結:http://bit.ly/2nYuX8f),呢半年 ...



單文柔同陳展鵬呢對,點講好呢?數數手指,自從今年3月俾《蘋果》斷正喺山頂車廂摸黑談心後(新聞連結:http://bit.ly/2nYuX8f ),呢半年裏面,佢哋不斷被人影到孖住shopping買衫、食飯撐枱腳、女方見男方媽咪,跟手一齊返將軍澳寓所,見嘅次數,比公開認戀情嘅情侶,更加多更加密。

不過呢,你有你講你寫,單文柔同陳展鵬,每次出席公開活動,講到雙方關係,都好似錄音機回帶咁:「認識中、了解中、磨合中。」見家長咩?女方會答:「咁啱見到食飯啫!」兩個人撐枱腳?就答:「唔係拍拖,都係食飯啫!」斷正一齊返屋企?呢個答案正:「唔係同居,只係借佢個私人會所試衫啫。」

雖然有人落咗封口令,不過年紀細陳展鵬一截嘅單文柔,熱戀中似乎沉唔住氣,冇男友喺身邊,就變回開籠雀四圍報喜。今日有報道就影到單文柔相約閨蜜喺置地行街時,心花怒放同女友人傾唔停,其間佢又專睇男裝衫,又打電話報告行蹤,有指同男友發展到同居關係嘅佢,近日更忍唔住喺IG貼「外遊」相,暗示同男友一齊去東莞旅行,身體好誠實嘅單文柔,睇嚟已經有啲按捺不住咁喎!

喺單文柔日前上載嘅相中,面前除咗自己份餐外,隔籬仲多咗一份,有指背景十足似陳展鵬打波嘅東莞。(單文柔IG圖片) 陳展鵬好鍾意返大陸打哥爾夫球,單文柔會唔會做跟得女友呢?(陳展鵬IG圖片)
(陳展鵬IG圖片)

鍾意就快D Share啦!