苦練半年演《空手道》
阿澤欽點Stephy上擂台
「佢份人好陰險」
【《蘋果》專訪】鄧麗欣（Stephy）為主演杜汶澤自導自演的新片《空手道》，事前花半年時間苦練空手道，她在片中飾演平川真理，憑空手道打擂台，學會面對失敗走出陰霾，現實中她亦擺脫了阿寶式愛情花瓶的局限。阿澤因為覺得Stephy「份人好陰險」，陰陰濕濕收埋自己，所以欽點她上擂台。今次拍《空》片，阿澤直言是要拍給憎自己的人看。
Stephy拍攝阿澤的新片，擺脫了停留在「阿寶」的層次。攝影：郭賢興
鄧麗欣自從在葉念琛執導的電影《獨家試愛》演過鄺美寶後，差不多已成為「阿寶」的代言人，局限在愛情花瓶角色中。早前Stephy跟杜汶澤為下月2日上映的《空手道》在尖沙嘴接受訪問，Stephy第一句就指出拍阿澤《空》片跟過往電影的分別，她說：「平時拍嘅戲都係一個星期準備，今次要用半年時間，因為要學空手道。」她直認真的很想有突破，而且見到阿澤滿有信心及期望，不想令他失望。
阿澤直言Stephy給他的感覺陰濕愛收埋自己，很適合片中角色。
歐錦棠在現實及片中都有份訓練Stephy空手道。
為拍攝空手道比賽場面，阿澤安排Stephy接受半年訓練。
擺脫阿寶角色
其實10年前阿澤就跟Stephy合作過《破事兒》，當時她給阿澤的感覺是「份人好陰險，陰陰濕濕」，阿澤說：「意思係好收埋自己，所以好適合戲中平川真理呢個角色，而且運動員打排球啲筋一定夠鬆，既然佢可以奮不顧身去救個波，應該會好搏。」私下阿澤跟朋友提過，很怕起用一些在拍攝中途，就要跟男朋友去日本玩的女星。或者Stephy跟方力申甩拖半年，反而成為她可以專心拍戲的優勢。
Stephy自言一直期待一個阿寶以外的劇本出現：「演員其實好被動，我覺得喺我呢個時段，又碰巧出現咗一部戲，好適合呢個時機。」戲中她演的中日混血兒跟父親關係疏離，又經營一段不如意愛情，一直想爭取機會證明自己，跟現實中的Stephy不謀而合。
阿澤前晚舉行座談會，一班大學生都好奇他找Stephy演出的原因。
Stephy跟方力申合作過不少葉念琛導演的作品，包括《我的最愛》。劇照
Stephy打開排球有運動底，被阿澤看中。資料圖片
睇中拍慣喜劇
阿澤另一個找Stephy演出的原因，是看中她拍慣喜劇：「佢應該可以拍到悲劇，歸根究柢喜劇都係由悲劇開始，你見周星馳演嘅包龍星跌咗落個窿，俾人掟蘿蔔，你笑得幾開心，但對包龍星嚟講，跌落窿係一件悲劇。」對於票房，阿澤引述《空》片投資者的說話：「首先錢唔係我嘅，商業片賺錢嘅方程式又係點呢？我記得有一位投資者同我講『阿澤，你想點樣拍就點拍，因為票房只係一時，拍出嚟嘅電影先至係一世』同埋我到五十年後睇番，做了自己最想做的事，當然我冇咁長命，但係憎我嘅人有，係拍畀佢哋睇嘅。」
另外，阿澤前晚到中文大學跟一班大學生舉行《空》片座談會，同學最關注的是為何拍空手道題材，阿澤說：「我拍呢個題材，係想借嚟激勵自己同觀眾。」砥礪各人不要學戲中初段的Stephy，不停為自己的過失找藉口。同學們亦非常好奇找「阿寶」Stephy的原因，阿澤抵死的說：「就係鍾意搵啲大家都估唔到、原來做戲咁勁嘅人演，咁樣先有驚喜。」
採訪：何永寧
服裝提供：KRIZIA（Stephy）
|
鍾意就快D Share啦！
|
|
|