甄子丹夫婦坦承對於阿女進軍娛樂圈採取唔積極嘅態度。
「宇宙最強」甄子丹與太太汪詩詩拍拖現身時尚雜誌酒會，透露仔女暫交外父外母照顧。甄子丹笑說：「老婆成日complain話我冇帶佢出去玩，話冇時間陪佢。我依家忙拍電影，下月會開一套，會忙到過年，聖誕應該喺出面過，老婆plan咗出埠，希望到時同劇組請到假，得閒就join。」
唔想阿女咁快入行
講到早前有不少人睇中兩人現年13歲的長女甄濟如能歌善舞，想斟她入行，子丹說：「傾咗幾年唔積極，小朋友仲細，我又冇將個大門打開。」詩詩透露女兒有參加學校合唱團及參加音樂劇，又喜歡彈琴。本身琴藝出眾的子丹，表示太太也達8級鋼琴水平，相信女兒亦有遺傳。
夫婦一凹一凸
提到荷李活爆出淫魔監製Harvey Weinstein，會否覺得娛樂圈太複雜？子丹說：「行行都複雜，行行要自律，睇父母點教同埋佢個人係咪檢點。」詩詩表示自己媽咪自細教她們無論去哪裹都不要獨自行事，她說：「因為有時唔係你嘅問題，係對方嘅問題。（到時你做女兒嘅經理人？）唔想做經理人。（個女唔畀你做？）我同阿女關係好好，已經喺屋企做惡嗰個，唔想大家傷感情，爸爸就係『Yes Man』。」不過子丹卻說：「太太講就咁講啫！到時可能跟足個女24小時。不過好彩嘅，好多auntie都好鍚阿女。」
來源 source: http://hk.on.cc
|
鍾意就快D Share啦！
|
|
|