阿媽等埋呀！挽住兩袋戰利品嘅陳少霞一支箭咁行，撐住枴杖嘅阿女當然追唔切。
同你吟一吟
阿女撐住枴杖陳少霞遇着……的士司機
去年再婚，嫁俾有「法拉利之父」之稱嘅富商李文輝，陳少霞由內到外都好有闊太味。呢日佢喺淺水灣同前夫生嘅囡囡撐枱腳，個女傷咗腳，出入要用枴杖。不過挽住兩大袋戰利品嘅陳少霞好心急，一支箭咁行，完全將個女拋離。行到半路，可能聽到阿女嗌：「等埋呀！」陳少霞先停低等埋阿女。
嗰晚行動不便嘅阿女，遇着一個點樣嘅的士司機呢？撐住枴杖，上車當然動作慢咗啲，個的士司機見狀走落車，一手……唔使驚！唔係攞條鐵通趕客走，而係幫佢開車門，仲話：「慢慢，唔使急。」
咁有耐性，陳少霞索性叫司機哥哥等多陣，等佢去埋七仔買嘢先上車，遇着個好心司機，唔知闊太陳少霞落車時有冇俾多幾蚊貼士嘉許呢？
右珍珠左巨鑽
闊太陳少霞大大啖嘅食相，都不及佢手上嘅珠光寶氣咁搶鏡。
撰文：八珍
攝影：李玄
來源 source: http://hk.next.nextmedia.com
|
鍾意就快D Share啦！
|
|
|
