掃呢頁CODE去手機

2017年11月16日 星期四

姜皓文瘋狂減磅擔正全裸演變性女人 [壹週刊 - 1445] __,姜皓文,M1,

探熱針姜皓文瘋狂減磅擔正全裸演變性女人從影32年的姜皓文(黑仔),近日終於吐氣揚眉,在馬來西亞奪「男配」獎項。返港對住接機的老婆及好友面前激動喪喊。苦 ...






探熱針

姜皓文瘋狂減磅擔正全裸演變性女人

從影 32年的姜皓文(黑仔),近日終於吐氣揚眉,在馬來西亞奪「男配」獎項。返港對住接機的老婆及好友面前激動喪喊。

苦盡甘來的他,攞完獎由影壇綠葉王跳升當男一,將在新片演港版《丹麥女孩》,仲要全裸演繹變性女人,上位挑戰難度的姜皓文,決再減磅至廿三吋腰。

演變性女壓力大

今年初,姜皓文在金像獎角逐「最佳男配角」,大熱倒灶輸俾輩分高的曾志偉,但近日他終憑《拆彈專家》,在馬西來亞國際電影人年展獲封「最佳男配角」,上週六凌晨(十一日)返港時老婆殷寧(金慧英)率街坊及老友接機熱烈慶賀,搞到姜皓文眼濕濕好感動。當談及從影以來首個獎項,極感觸的他終流下男兒淚說:「上次度咗好多嘢講,但都冇得講。」

攞獎是一個肯定,但對姜皓文而言,獎項加重他的壓力。「增加咗壓力,因為之後嘅目光都放喺你身上,唔可以揸流攤,雖然我演出從未揸過流攤。以後演出我更要加多兩錢肉緊。」他說。





港版

《丹麥女孩》







早前在生日 P玩易服的他,莫非為將演港版《丹麥女孩》嚟個熱身。





電影《丹麥女孩》的男主角由易服到變性女人都演得淋漓盡致,同樣演變性女人的姜皓文確實有壓力。

廿八吋腰再減

據了解,姜皓文即將加多兩錢肉緊演出,是擔正男一,並且演難度極高的港版《丹麥女孩》,做變性女人,仲有更激場面,難怪他說壓力大到爆。

兩年前已成功瘦身減去三十磅,瘦到只有廿八吋腰圍的姜皓文,今鋪為要似女人,決定瘋狂再減。

「黑仔喺戲裡面由易服扮女人到變性,神情舉止相當嫵媚。佢向來對自己要求好高,呢兩年佢已經 keep住戒油戒鹽,食量好少,套戲今個月就開拍,佢再瘋狂減磅,希望成個身形再瘦啲,之前佢減肥餐單有番薯配咖啡,今次就加重運動量,見佢近排減到塊面都凹晒。





肉緊嘴老婆的姜皓文,再秘密瘋狂減磅下,雙腳似足女人,好纖幼。







在馬來西亞凱旋回歸,一班好友接機慶祝,苦盡甘來有感觸的姜皓文訪問時即喪喊。









兩年前他開始戒油戒鹽,並常吃番薯配咖啡的餐單,再加大量運動,令他火速減去三十磅。





早前他憑電影《拆彈專家》在馬來西亞奪「最佳男配角」,終於吐氣揚眉。

生日派對預演易服

佢喺戲入面仲有一場好激嘅正面全裸,單係要衝破呢個心理關口都唔容易,所以近期佢幾大壓力。」知情者說。

早前發現他跟老婆行街,其身形瘦到近乎人乾,上月底生日,他更大搞易服派對,雌雄互調,姜皓文日本女人上身,莫非是為擔正新片做熱身?





成功減肥前,姜皓文的形象是個肥佬一名,演活過劫匪、黑幫大佬及慈父角色,做配角都成亮點。





早前同老婆行街,姜皓文為新戲減磅減到臉龐凹晒!

撰文:娛樂組 

攝影:黃志明


鍾意就快D Share啦!