網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月19日 星期日

英超Fever:英超 曼聯大數喜鵲 雙巴復出戰力超勁! __,曼聯,

(GettyImages)即上英超刨績王:http://win.on.cc/epl 有番雙巴,曼聯戰鬥力即時勁升呢!英超曼聯主場迎戰紐卡素,兩大主力保 ...


(Getty Images)


即上英超刨績王:http://win.on.cc/epl 

有番雙巴,曼聯戰鬥力即時勁升呢!英超曼聯主場迎戰紐卡素,兩大主力保羅普巴及伊巴謙莫域齊齊傷愈復出,雖然有連迪路夫又派膠首先落後,不過普巴展現卡士,先助攻後入波,帶領球隊輕鬆反先。另外伊巴謙莫域千呼萬喚終後備落場,呂布就算未有十足狀態,一樣表演凌空車身抽射,紅魔展現恐怖攻力,最終贏4:1完場,創下38場主場不敗紀錄,魔粉肯定開心到極!

紅魔鬼主場出擊,普巴傷愈復出打正選,盧卡古、福仔、桑馬達、馬迪爾全部正選,上半場諗住喪攻喜鵲,但由防守專家賓尼迪斯帶領嘅客軍有備而來,主隊除盧卡古一腳一頭較有威脅外,上半場初、中段嘅入肉攻勢都係來自客軍。曼聯中堅連迪路夫,繼早前對哈特斯菲爾德後又試派膠,於禁區內跣低益晒杜韋加爾射入,若非積及梅菲稍後時間未能把握入波機會,紐記可贏到2:0。但曼聯始終有質素,普巴於右路出波勁有卡士,馬迪爾門前搞掂,先追成1:1,半場補時階段史摩寧近門整多粒,半場成功反先。

換邊後紅魔攻到客軍氣咳,好快普巴就接應福仔二傳拉開比數到3:1,睇到普巴狀態一流。之後盧卡古近門狂抽搞掂,將場波擺入雪櫃。77分鐘伊巴謙莫域落場,呢名戰神一舉手、一投足都咁有魅力,幾次於中場轉邊好有卡士,最犀利係完場前佢於禁區內施展凌空車身抽射,雖然唔入都攞晒姿勢分,亦顯示佢寶刀未老大把貨賣。曼聯贏4:1完場,魔粉梗係開心,但最滿意嘅係擁有雙巴嘅曼聯,展現到恐怖攻力。曼聯贏波之後,12戰8勝2和2負積26分力保第2位,依然落後曼城8分,但球隊實力提升,相信之後可以畀到曼城壓力。

賽後領隊莫連奴大讚普巴:「同對手球員相比,普巴絕對係唔同卡士。佢今季同尼曼查馬迪為球隊注入無窮動力,今仗佢表現實在無懈可擊。」伊巴今仗復出,佢賽後表示:「獅子就係唔同人類,我肯定自己可以再上高峰。」

東網體育同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!