掃呢頁CODE去手機

2017年12月14日 星期四

餅印「爺孫戀」趙世曾新女表現差搏炒 [壹週刊 - 1449] __,趙世曾,M1,

同新女撞樣:食女食到八張,趙生對杯茶嘅要求,就係要似樣?不過呢位新歡唔好恃住同趙生生得似,就唔做好呢份女友工作,俾啲笑容唔該!同你吟一吟餅印「爺孫戀」 ...






同新女撞樣:食女食到八張,趙生對杯茶嘅要求,就係要似樣?不過呢位新歡唔好恃住同趙生生得似,就唔做好呢份女友工作,俾啲笑容唔該!

同你吟一吟

餅印「爺孫戀」趙世曾新女表現差搏炒

立志要一世風流嘅趙世曾,大半世歎過嘅女,真係千手觀音都幫佢數唔晒。佢拖咩女已經唔係重點,反正近呢十年,口味清一色國產。

但八珍今次對趙世曾呢個新女友好有興趣,事關佢個樣,竟然同趙生倒模一樣,將「父女戀」或「爺孫戀」昇華至最高境界,唔只年齡距離,仲有種血脈相連嘅親密感。唔知趙生望住女友,會唔會覺得好似照鏡咁!又或者食女好似食自己?

Anyway,對住餅印「孫女」, sorry!新歡先啱,趙世曾好緊張拖到實㗎!不過唔知係咪有代溝,無論睇戲定行街,餅印新歡同趙生都無兩句,有時仲黑口黑面,呢種表現擺明搏彈鐘。







全程新歡都係黑口黑面,不過呢種冷,趙生又受喎,冇詐型之餘仲全程拖實。





去完洗手間,趙生四圍搵女友。之後行街,女友繼續掛住玩電話,同趙生拍拖一啲都唔專心。





行行吓,新女直頭唔郁玩電話,搞到趙生周圍望搵佢。





另一日佢哋嘅節目去睇戲,新女繼續 cool爆。

13年港女 Seasun

呢一年,女伴之一係「有樓有高潮」嘅港女 Seasun。

15年抗老起雙飛

前年趙生示範好腰好腎好男人本色,起雙飛。

16年翻版廖碧兒

去年趙世曾女友貌似廖碧兒,品味 keep得住。

撰文:八珍

攝影:李玄


鍾意就快D Share啦!