掃呢頁CODE去手機

2017年12月14日 星期四

又被指停工醫病 李司棋嬲爆:係咪想我死 __,李司棋,

李司棋澄清話佢健康良好。藝人李司棋被指身體出問題有意停工醫病,她接受東網電話訪問時澄清健康良好,身體沒有問題,她說:「係咪諗唔到啲新嘢,所以成日標籤我 ...


李司棋澄清話佢健康良好。


藝人李司棋被指身體出問題有意停工醫病,她接受東網電話訪問時澄清健康良好,身體沒有問題,她說:「係咪諗唔到啲新嘢,所以成日標籤我有病、身體唔好呢,做埋啲鬼鬼祟祟行為,又問我使唔使覆診,我好好哋又使乜覆診呢。」李司棋指被拍得進出醫務所是因為進行身體檢查照腸鏡。

鮮有發火的李司棋直言被激親:「真係有啲唔開心,搞到大家成日問我健康係咪有問題,寫到好似我就嚟死咁,係咩意思呢。都唔係第一次咁寫,每兩年就寫我一次,Keep住以為我好似就嚟死咁,其實係咪好想我死呢?我都好少咁嬲,知道呢行係食得鹹魚抵得渴,但係都要話我有病。」

問到李司棋是否有意退休不再拍戲的打算?她說:「我離開咗TVB密集式嘅工作,你都可以話我係退休,但有我鍾意做嘅嘢,我都會做,我仲行得走得,唔會有嘢都唔做,大家見我出嚟做《溏心3》宣傳都好生猛呀。」講到缺席今日在深圳的《溏心風暴3》宣傳,她表示因要準備明天要到雲頂工作,故未能出席。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!