藝人文詠珊（JM）於本月29日生日，一早計劃好與金融才俊男友吳啟楠組團到北歐睇極光，本來同一班朋友興高彩烈慶祝，但係遇到唔如意嘅事，令佢扯晒火！凌晨，JM在社交網Po文，稱航空公司遺失了她的五件行李，冇晒保暖衣服，求助無門，加上天氣寒冷下，經已病倒。
JM發文：「昨日從芬蘭轉機到聖彼得堡，我的五件行理（李）全給航空公司弄丟了，所有的禦寒衣物和生活用品都在行李中，未來的兩星期在北歐都不知道怎麼過度，而航空只回覆一句『不清楚』，這是一個合理的回覆嗎？」
身在俄羅斯十分狼狽
JM回答東網的訪問時說：「喺香港飛芬蘭係冇事嘅，我要轉機，喺芬蘭攞晒啲行李轉機去聖彼得堡嘅時候，呢程機五件行李冇晒，下落不明又冇回覆，已經兩日，我喺俄羅斯，因為個行程比較長要兩個禮拜，我之後仲要去芬蘭、挪威同冰島睇北極光，預備咗好多保暖衣物全部冇晒，因為撞咗聖誕節，呢兩日變咗好狼狽，因為好似冇人做嘢、冇人理，一直都話no information（沒有消息）， 連續兩日打電話，都冇人聽電話、冇人覆，我都凍到病咗，啲藥又全部都喺行李入面，呢個聖誕節真係太難忘。」
不負責任到無法接受
其後，她再到機場追查行李下落，剛好遇上早前同機的幾名美國人旅客，原來他們的行李亦被丟失，JM說：「同機起碼有八、九個人唔見行李，我哋冇辦法再留喺俄羅斯，因為已訂好所有嘢，要按原定計劃去，我哋要飛返去芬蘭再追行李，睇吓係咪啲行李冇飛度，我覺得最大可能性係架機太細，懷疑放唔落行李，所以就Hold住啲行李喺嗰度。」
重返芬蘭尋回五篋行李
文詠珊強調，行程原本開開心心，丟失了行李令他們變得好無奈、好憤怒：「航空公司完全唔回覆，我哋同其他乘客都好慘，最無奈係佢哋唔聽電話，一接電話就好唔耐煩咁話唔關佢哋事，叫我哋自己問番機場，真係不負責任到我冇辦法接受。」
由於原定行程會返回芬蘭，他們已經在俄羅斯逗留了兩天，現決定返回芬蘭嘗試找回行李，她仍抱一線希望：「佢哋話好大機會留咗喺芬蘭，叫我哋到芬蘭就同佢哋再聯絡。」
而最新消息，JM已經飛抵芬蘭，並已經找回五篋行李，據她表示，五篋行李根本冇飛過，稍後她將與男友繼續行程。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|