2018年1月18日 星期四

苟芸慧陸漢洋 去超市都要襯晒情侶裝 [壹週刊 - 1454] __,漢洋,陸漢洋,苟芸慧,M1,

幾時結婚啫?同你吟一吟苟芸慧陸漢洋 去超市都要襯晒情侶裝苟芸慧同陸漢洋自從公開戀情,男方又送埋家傳之寶確認女方地位,所以每次佢哋一出現公開場合,大家就 ...






幾時結婚啫?

同你吟一吟

苟芸慧陸漢洋 去超市都要襯晒情侶裝

苟芸慧同陸漢洋自從公開戀情,男方又送埋家傳之寶確認女方地位,所以每次佢哋一出現公開場合,大家就會追問佢哋婚期,但係由上年問到 18年都仲未有答案。

查實苟姑娘同陸漢洋都已經好穩定,直情有老夫老妻 feel,好似《壹》仔呢日撞到佢哋去超市,都要著晒情侶裝,戴晒情侶帽,就連鞋都要襯埋一色一樣,慌死人唔知佢哋係情侶咁。揀打邊爐嘅食物嗰陣,兩個人有商有量,陸漢洋仲不時望住女友冧笑,雖然苟姑娘戴住口罩,但都 feel到佢一臉幸福。





苟芸慧同陸漢洋拍拖行超市,雖然拍了超過一年拖,但佢哋依然好似熱戀情侶般,無端端都會互望冧笑。





苟姑娘將重嘅物品塞晒入男友個名牌背囊度。





當陸漢洋孭起時,睇到個背囊好重手。

俾錢埋單嗰陣,苟姑娘就負責將啲重嘅物品,塞晒入男友個 Saint Laurent背囊,輕嘅就放喺自己個手袋度,淨係睇見陸漢洋個背囊都知道斤兩十足!咁又好正常,陸漢洋點捨得要女友做操重嘢。

之後,佢哋就步行返去貝沙灣寓所,行到去昏暗又冇乜人嘅地方,佢哋就會唔再避忌,會手拖手 fing住行,突然間又變得好初戀 feel。





唔知幾時同陸漢洋都生番個呢。





苟姑娘有個歲幾嘅姪仔,見佢同姪仔玩嘅時候好有慈母 feel。





陸漢洋早前已經送咗家傳之寶戒指俾苟姑娘,講明要娶佢做老婆。





買完餸,一齊返屋企玩煮飯仔。





佢哋唔只衫同帽襯過,連對鞋都要著埋一色一樣。





行到冇乜人地方,兩人就會拖晒手。

撰文:八珍 

攝影:陳亦龍、楊紫


鍾意就快D Share啦!
Related Posts Plugin for WordPress, Blogger...