曾志偉昨日在尖沙嘴召開記者會，就近日連串關於來自內地的指控回應。志偉由兒子曾國祥及兩名律師陪同下出席，事前已表明不設問答部份。志偉聲言是要捍衞家人及朋友不再受傷害，更揚言不會縱容網絡暴力造謠。對於「藍潔瑛事件」的指控，他明確表示「願配合任何形式調查」。
曾志偉昨日在尖沙嘴九龍香格里拉酒店召開記者會，穿上深藍色上衣、牛仔褲及波鞋的他，比原定的下午4時半，遲了七分鐘抵達會場，志偉由兒子曾國祥及兩名律師陪同下，與現場近百傳媒見面，律師表明記者會不設答問環節。
「願意配合調查」
表情嚴肅的志偉表示要還家人、身邊朋友及明星足球隊一個公道，他說：「針對網絡流傳『曾志偉性侵藍潔瑛』呢個報道，我可以同大家講，係完全揑造。尊重女性係我堅持嘅原則，我願意配合任何形式嘅調查，亦都堅決用法律手段維護自己聲譽。對於嗰位韓女士喺新浪微博不實嘅指控，已經採取法律行動起訴佢。」
志偉講到其中一項指控是針對明星足球隊，以慈善賽為名，尋歡為實，但志偉同時指出此段是舊新聞，並在06年控告對方誹謗，在官司中獲判勝訴：「估唔到咁多年後，竟然仲有啲有心人攞出嚟抹黑，係令我非常之難過同唔開心。」所以希望透過法律可以有一個最終結果，還自己公道，他說：「更加希望嗰啲通過網絡報道、傳播失實新聞、惡意中傷他人嘅壞風氣，可以早日停止。」
「造成一世傷害」
志偉又認為壞分子利用網友不知情渾水摸魚，但事後又不用付出任何代價，以前會採取不聞不問的態度，認為清者自清，但在現今世界已行不通，他說：「明白到如果對造謠者或傳謠者一味忍讓，而唔使付出代價，網絡暴力會一直有。網絡暴力雖然係一時，但對相關人士造成傷害係一世，希望呢啲事同被害者越來越少，由於事情已開始司法程序，所以只會喺今日公開回應，日後不會答覆，多謝大家，辛苦大家。」
以廣東話交代開記者會目的後，志偉再以用普通話再說一次，因為事件是由內地網絡散播出去。之後志偉身旁的林嘉仁大律師作最後補充：「大家未離開前，有一樣額外嘅嘢同大家講嘅，根據香港法律，轉載誹謗性嘅訊息，都屬於誹謗嘅，都有可能有民事法律責任，希望所有人都刪除同停止發佈，同埋停止轉載任何誹謗曾志偉先生嘅文字或者訊息。」
大會事後安排茶點供在場記者享用，離開會場後志偉先到九龍塘業主會，逗留片刻後離開，之後乘七人車再去沙田馬場。
採訪：盧妹
攝影：沈健程
|
鍾意就快D Share啦！
|
|
|
