【台慶頒獎禮】山頭文化係同事心聲？ 阿姐再豪言：講咗好多人想講嘅說話 __,阿姐,汪明荃,

真話唔講得，如果要講…除非真係好有輩份。汪明荃噚晚就把握住大台頒獎禮呢個機會，代表全公司領獎時講咗一番感受，包括叫大台加人工、關心下員工、同埋少啲山頭 ...

真話唔講得，如果要講…除非真係好有輩份。

汪明荃噚晚就把握住大台頒獎禮呢個機會，代表全公司領獎時講咗一番感受，包括叫大台加人工、關心下員工、同埋少啲山頭文化！（新聞連結：

http://bit.ly/2Bjv8kT ）此話一出，證明都汪阿姐幾有地位，對比番，連出爐視帝王浩信今日出活動，都話唔明咩叫山頭文化（新聞連結： http://bit.ly/2n2bh5j ），你就知汪阿姐有幾勁。

阿姐呢番說話，引嚟好多網民喺社交網洗版讚好：

汪阿姐唔怕你雪佢，梗係敢講真話；

無論阿姐之前係點，佢呢時呢刻都仲肯為後輩出聲呀；

無求就膽大；

亞姐講得中肯，撑妳；

《蘋果》今日聯絡到阿姐，佢話：「我都收到好多同事短訊，呢個問題（山頭文化）其實好多公司都有，既然o依家老闆咁有心想做好電視發展，希望公司好好珍惜人材，我都係講咗好多人想講嘅說話啫。」問到佢講山頭係指邊啲高層，阿姐就話：「呢啲我就唔評論啦。」

精選娛聞，喺晒《娛果》

http://fb.com/appledailyent

	阿姐噚日代表領獎，喺感言都提點咗大台，加人工同少啲山頭文化好重要。	佢話收到好多同事短訊……咁即係好多同事多謝佢反映事實？（電視截圖）
（電視截圖）

來源 source: http://hk.entertainment.appledaily.com

鍾意就快D Share啦！

下一篇 》