吳國敬為好友講盡好說話。
歌手吳國敬跟梁漢文（Edmond）是相識數十年的好兄弟，對於Edmond昨日凌晨涉嫌醉駕，阿敬接受東網訪問時表示驚訝及擔心：「我睇到新聞，好驚佢撞車受傷，希望佢身體無礙。（擔心好友惹官司？）我唔識呢啲㗎。」他又稱不會煩住好友，故現時不會刻意致電慰問。
阿敬又說近年的Edmond生活健康不少，已戒煙及少飲酒，又指：「佢呢幾年成個人成熟咗，健康咗，做事好謹慎㗎啦，佢真係飲少咗酒，我哋見面都係約踢波，我都好愕然點解呢啲事會發生喺佢身上。」問他是否也愛飲酒？他說：「我冇飲啦，因為都唔係18、22（歲），個肝有少少問題，但唔係大問題嗰啲，醫生同我講想身體好啲就唔好再飲酒啦。」不過他承認作為公眾人物會小心言行，而他不愛揸車，故不會發生醉駕問題，他又補充說：「Edmond係一個好人，佢乖咗好多，今次可能係一次疏忽，希望大家會原諒佢。」
來源 source: http://hk.on.cc
|
鍾意就快D Share啦！
|
|
|