龔嘉欣臨走都要隔住玻璃同張振朗對話，對方氹到嘉欣笑到彎晒腰。
探熱針
唔敢姣電人夫 龔嘉欣留堂等張振朗開工
在新劇《平安谷之詭谷傳說》中由妹仔因被姦後，升呢四太的龔嘉欣，繼續以喊功搶戲，過往一直做開女配，最近終於有機會在《堅離地愛堅離地》一償女一嘅心願，同做宅男的張振朗朝夕相對做情侶。
一向有發電機之稱的龔嘉欣，都唔會隨便浪費電力，對住人夫陳智燊，龔嘉欣全程冷淡對待，可能怕被指「搶人老公」，相反，對住未婚的張振朗就熱情得多，就算拍完自己戲份可以收工，但一見到張振朗到場，唔捨得走留低拉埋張振朗一邊喪吹。
收工留低
近年龔嘉欣演技備受讚賞，一六年更勇奪「最佳女配角」，獲公司下旨在劇集《平安谷之詭谷傳說》大幅加戲，劇中妹仔變姨太的她除了繼續施展其出色喊功，更會同飾演陸老爺的劉江老師有不少床上戲，好有發揮！
出道十年，由閒角變做女配角，最近又再進一步有機會在新劇《堅離地愛堅離地》擔正做「女一」，早前龔嘉欣同陳智燊在科學園為劇集拍外境，等埋位期間，二人對戲後就各自行開一面睇劇本，傾偈都只係一句起兩句止，龔嘉欣對住人夫全程表現冷淡，到正式埋位，二人都專業一 take過搞掂，收工即撇！
留堂等張振朗
龔嘉欣曾經在《愛•回家 2》入面同張振朗做一對，嗰陣仲有傳龔嘉欣姣冧對方，更經常在社交網絡上 po相「晒恩愛」，激怒正印陳芷尤，今次二人再續情緣在新劇做情侶，龔嘉欣繼續進取出招。
拍外景當日，已經收得工的龔嘉欣見張振朗剛到達現場，原本換好衫準備離開的她竟然選擇留低，等張振朗換好戲服後，龔嘉欣拉對方行埋一邊吹水，其間龔嘉欣講到手舞足蹈，張振朗聽到擘大個口得個窿，等到對方夠鐘埋位，龔嘉欣才依依不捨離開。
撰文：娛樂組
攝影：王志輝
來源 source: http://hk.next.nextmedia.com
|
鍾意就快D Share啦！
|
|
|
