掃呢頁CODE去手機

2018年2月8日 星期四

買嘢唔格價,劉松仁貴買洗眼鏡機 [壹週刊 - 1457] __,劉松仁,M1,

劉松仁排隊俾錢都掛住篤手機。同你吟一吟買嘢唔格價,劉松仁貴買洗眼鏡機平日睇慣斯文、正派嘅劉松仁,搞到近日喺電視劇《無間道》,見到個奸到令人心寒嘅社團波 ...






劉松仁排隊俾錢都掛住篤手機。

同你吟一吟

買嘢唔格價,劉松仁貴買洗眼鏡機

平日睇慣斯文、正派嘅劉松仁,搞到近日喺電視劇《無間道》,見到個奸到令人心寒嘅社團波士胡冠佑(劉松仁飾),真係唔係好慣。

老婆係空姐周圍飛,松哥一有時間喺香港,最鍾意做孝順仔陪媽咪,但自從母親大人去年頭仙遊,松哥每次喺香港蒲頭,都焗住一個人嘅浪漫。呢日五點佢一支公睇完戲,目標明確走咗去 Log on,走去研究近年熱賣嘅洗眼鏡神器——超聲波洗眼鏡機, make sure自己識用唔會洗壞眼鏡,二話不說扑槌,盛惠$699。洗乾淨副眼鏡梗重要,但係做個精明消費者都好緊要,成日篤住手機嘅松哥如果肯上網格一格價,就唔使俾多兩嚿水買部洗眼鏡機







松哥以七百蚊買下這款超聲波洗眼鏡機。





比起一般商場鋪貴二百蚊。





麵包店花多眼亂,劉松仁最後無幫襯。







昔日人在香港,劉松仁一定抽空同母親大人行街撐枱腳。





於《無間道》飾演社團波士的劉松仁既陰險又奸詐,但戲份不多。





劉松仁魅力過人,扱停車場飛離開,三位工作人員心形眼望到實。

撰文:八珍

攝影:陳亦龍、李溢敏


鍾意就快D Share啦!