歌手張敬軒（軒仔）今日到電台宣傳新歌《缺》，對於MV在一個月內網上點擊率破百萬，他感到開心又欣慰：「以依家本地歌手所面臨嘅考驗來睇，有呢個成績算係好驕人。」
最近榮升餐廳老板的軒仔接受訪問時分享做生意時遇上的難處：「你係估唔到洗碗姐姐幾難請，我開到2（萬）字頭都請唔到。同埋我唔知係咪依家啲後生仔都係咁，佢哋應該將履歷發散晒送去好多公司，然後突然就會走，所以我依家都請多咗年長嘅同事，起碼有交代啲。試過有一晚樓面突然少咗三個人，冇辦法我都要落場幫手傳菜。（作為侍應畀自己幾多分？）我諗我都應該賺唔到份糧，估唔到托碟係咁難，以前見佢哋兩個手臂托滿晒碟以為好簡單，真係自己做嘅時候差啲打瀉晒，做咗餐廳之後我真係對餐飲從業員肅然起敬。」
被客問唱唔唱歌
他又說很多客人會要求他唱歌：「打開門做生意咩人都會有，有啲客人一坐低就擺明自己係消費者，會『yap』我過去話可唔可以同我影張相，又會有啲客
問：『你今日唱唔唱歌？』我心諗，我話唔唱歌你咪即刻走？但係我都會好禮貌哋話，我唱歌要問過公司先！（有冇真係遇過最難搞嘅客？）好彩生意都幾好，最多係會有啲意見，又唔算真係有好難應付嘅客人。」
每人都有自己睇法
問到最近謝安琪（Kay）的一段關於流感疫苗成效的私人錄音被廣傳，軒仔話：「有睇新聞，我知道Kay有講到係朋友之間嘅錄音，我覺得每個人都有自己對事件嘅睇法，某隻藥可能我試過覺得無效，唔代表隻藥係唔work，唔應該將私底下嘅說話當成嗰個公眾人物喺公眾場合發表嘅言論被流傳。本身我覺得將呢啲私人對話流傳出來已經唔係好道德，或者對方可能係無心之失，我唔知道。所有家長嘅出發點都係為小朋友好，政府部門制定咗指引話疫苗係好定唔好，應該由家長或者病人自己決定接唔接受，每個人都可以有自己意見。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
