掃呢頁CODE去手機

2018年2月8日 星期四

黎明詩孖何婉盈 90年代姊妹花 11月麥花臣開騷 [壹週刊 - 1457] __,何婉盈,黎明詩,黎明,M1,

探熱針黎明詩孖何婉盈90年代姊妹花11月麥花臣開騷懷舊潮一浪接一浪,52歲黎明詩跟46歲何婉盈,離開樂壇各自有新發展,相隔二十年,兩人早前被邀上節目唱 ...






探熱針

黎明詩孖何婉盈 90年代姊妹花 11月麥花臣開騷

懷舊潮一浪接一浪, 52歲黎明詩跟 46歲何婉盈,離開樂壇各自有新發展,相隔二十年,兩人早前被邀上節目唱歌,歌癮大發,更火速落實今年 11月在麥花臣球場開騷,志在跟朋友開心齊齊玩。

節目重遇

黎明詩相識滿天下,但闊別樂壇多年的黎明詩,跟娛圈人卻少有來往。去年宣布出櫃,無拘無束的她變得愈來愈活躍,早前兩次上無綫唱歌節目《流行經典五十年》後,歌癮大發。適逢在節目重遇何婉盈,兩人一拍即合,決定拍住上圓夢,搵地方炮製復出演唱會。





何婉盈選美出身,當年青春無敵,被唱片公司力捧成偶像歌手。





46歲的何婉盈是單親媽媽,與女兒一起生活。

有番唱歌信心

淡出樂壇多年,現職金融投資的何婉盈,根本冇想過可以開騷,故黎明詩邀請她時,第一個反應是:「唔係嘛!」

何婉盈說:「佢搵我,我真係問:『唔係嘛,真係㗎!』我需要消化一陣先答應,事關考慮嘅係我現時有正職啦,可否同時安排到時間去全力做呢件事,第二係冇試過開騷,唔知自己能否勝任,畢竟喺呢行冇做咁多年。不過佢搵我開心嘅,因為可以同人夾份一齊做 concert,唔係自己一個孭晒。」

她說上《流行經典》唱兩首歌,令她尋回唱歌夢的信心。「我冇諗過出返嚟個反應都唔錯,亦都因為咁先答應開騷,又多咗好多人搵我登台,讓我事隔咁多年可以當 freelance咁兼顧。我哋個騷由年中改為年尾,有足夠時間俾我哋排練同度吓搞啲咩花臣。」





02年何婉盈現身十大勁歌頒獎典禮,做嘉賓頒獎給余文樂。九十年代出道的她早已退出樂壇。





13年仍 keep得好好的何婉盈,為吳國敬與鄧健明的騷任演出嘉賓。





黎明詩當年形象健康性感,是不少宅男女神。

中女舞照跳

黎明詩說跟何婉盈拍住開騷,兩人自知不是頂級唱家班,故會搞搞新意思,大玩花臣。

「何婉盈心哋好好,我同佢都好鍾意小動物,大家都有養狗,所以見番面之後有好多共同話題。我近排同佢傾緊開騷,大家唔算唱家班,所以到時會跳吓舞,度吓其他花臣。最重要係到時啲朋友喺香港,個個都嚟到睇騷。依家定咗十一月喺麥花臣開騷,應該會好熱鬧。」黎明詩說。





她曾經跟魏駿傑拍拖,其後離開娛圈做公關,分手亦是朋友。





何婉盈跟黎明詩同是愛狗之人,除音樂外,大家有很多共同話題。





黎明詩早前上節目唱歌,跟張立基又唱又跳,狀態弗爆。

隱世廚神

玩票性質復出的她,近日又應老友女子組合《 Face to Face》成員 Jodi邀請,擔任港台節目嘉賓教煮餸。原來是烹飪高手的黎明詩,平日都會落廚煮幾味招呼朋友,被朋友稱「隱世廚神」。

「其實我煮嘅都係家常便飯,好似呢味老少平安,係我嘅家鄉菜,小朋友同老人家都啱食。」當年因交通意外受傷的 Jodi是節目主持,她自言跟黎明詩相識多年,也未試過她煮的這道菜。





黎明詩主動搵何婉盈拍住開騷,兩個玩票復出,為要過吓歌癮。





黎明詩原來係廚藝高手,日前接受 Jodi(前 Face to Face組合成員)邀請,在節目中大顯身手。





雖然有不少歌手抱着不到紅館心不死的夢想,但近年唔想孭大場壓力,在太陽娛樂唱片部做一姐的薛凱琪(右圖),及人氣爆升的農夫(上圖),都寧願揀得千幾個座位的旺角麥花臣體育館開騷,叫好叫座。





相識滿天下的黎明詩,跟同期出道的陳雅倫和林國斌仍有來往。

撰文、攝影:娛樂組


鍾意就快D Share啦!