索呀！
無綫小花劉溫馨依照中國人傳統，實行「年廿八洗邋遢」。被滿滿的番梘泡包圍，溫馨「出浴」之餘童心未泯，一時興起大玩吹泡。談到「洗邋遢」，佢笑謂﹕「每到農曆新年，我都一定會將屋企執得好乾淨，加上今年我睇咗本書講人生嘅斷、捨、離，我即刻將好多身外物捐晒出去。有個朋友幾年冇上過我屋企，佢最近上嚟第一句話就講﹕『嘩﹗好乾淨同空曠呀。』」
溫馨返港發展後一直要自己照顧自己，事關所有家人都已移居日本，故此這個農曆年，她亦會「移船就磡」團年﹕「會返日本幾日。（喺日本過新年有乜特別？）日本人比較重視新曆新年，所以我返去都只會同家人圍埋一齊睇吓電視、食吓餃子咁。好彩我喺親戚當中年紀比較細，所以成日收到大利是過肥年﹗」
談到狗年的新年願望，事業心重的溫馨笑言希望有多多桃花﹕「桃花代表人緣，做得呢行梗係想愈多愈好啦。我生肖屬馬，屋企人話畀我知狗年我應該會幾好運嘅，我就希望能夠接多啲好劇本、拍多啲有得發揮嘅電視劇啦。其實雞年我拍咗王晶嘅《荷里活有個大老千》，戲裏面我份演年青版薛家燕，我覺得個角色有喜感之餘亦好有發揮，係一部我好期待快啲畀觀眾睇到嘅劇。」
場地提供﹕beaustyle@佐敦
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|