陳浩民（左圖）與林子聰成立製作公司，將與網上平台合作推出四部電影。
藝人陳浩民、林子聰（肥仔聰）、樊少皇、錢小豪與導演劉觀偉等，到灣仔會展出席電影活動，浩民透露已與肥仔聰成立製作公司，將與網上平台合作推出四部電影，均以民間傳說為題材，他表示：「應該四月就開拍，依家仲搵緊景，因為都多水戲，可能要離開熟悉嘅橫店。（游水叻？）唔得都要得」
被封「點擊盟主」
問到其他電影計劃，肥仔聰說：「依家都係諗住一部先咋！嗰啲留番先，一陣爆紅咗就要開續集嘛。」肥仔聰又指這些作品將在網上「上畫」，製作上與一般電影差不多：「都係90分鐘長，可以再長啲，因為戲院排片會限制片長，但係製作費就過千萬，因為對手多，院線上畫而同期可能四、五部，網上對手可能有幾十部。」講到浩民在內地被封為「點擊盟主」，點擊率應該不用擔心？他笑言：「去年頭五名係佔咗四部，我自己拍嗰部排第四，同阿聰合作嘅排第三，唔同佢合作都唔得喇！（加片酬？）唔使加，愈多人睇就愈高人工㗎喇。」
另外，浩民早前在社交網透露與肥仔聰合作的內地電影《鬥戰勝佛》遭拖欠片酬，他表示已收回欠款：「收番晒片酬，依家順利解決，遲嚟好過冇嚟。」
來源 source: http://hk.on.cc
|
鍾意就快D Share啦！
|
|
|
