掃呢頁CODE去手機

2018年3月21日 星期三

傳開拍《梅艷芳傳奇》 梅媽:我未答應 __,梅媽,梅艷芳,

梅媽表示一切先睇咗劇本先。(資料圖片)一身充滿傳奇的已故天后梅艷芳過身十五年,有指有電影公司將開拍《梅艷芳傳奇》,而主角則由香港女模特兒王丹妮(Lou ...


梅媽表示一切先睇咗劇本先。(資料圖片)


一身充滿傳奇的已故天后梅艷芳過身十五年,有指有電影公司將開拍《梅艷芳傳奇》,而主角則由香港女模特兒王丹妮(Louise)擔演,導演由曾執導過《寒戰》的梁樂民擔任,更指搵來梅媽做顧問。

東網記者搵到梅媽查證,她說:「真係有件咁嘅事,但我未答應做顧問,要收到故事睇咗內容先。」問到會唔會演出客串?梅媽再次強調未答應:「我所講嘅嘢先係真實,我清楚晒阿梅所有嘢,賺唔賺錢唔關事,最緊要故事真實性,唔可以對阿梅聲譽有影響或者詆毀佢,我提供先係真材實料。」問到心目中演出人選?梅媽說:「唔係我去揀,係電影公司去諗,有6、7成似已經好好,我一早將梅艷芳個名註冊。」問到身體如何?她說:「好好,忙緊搞歌迷會,因為之前好散,依家好多海外歌迷有後生女,人哋嚟香港一個落腳地都冇。」梅媽又表示想叫人為阿梅寫自傳,佢又透露阿梅小時候有錄低過6盒錄音帶,後來有人表示可以幫佢轉做CD就攞咗去,最後唔見咗3盒,非常激氣,所以好多嘢,好似出書、歌迷會都寧願自己去搞,唔想啲人攞去賣。最後佢再次強調電影公司未有劇本畀佢,要睇咗劇本先落實是否做顧問。


來源 source: http://hk.on.cc
鍾意就快D Share啦!