38歲嘅林峯今日終於承認與24歲嘅吳千語結束5年情！
林峯早前被《蘋果》踢爆與擁有34D上圍嘅大陸內衣模特兒張馨月同遊海洋公園，同行仲有林峯父母。(相關新聞﹕http://bit.ly/2HJd86R)林峯今日喺灣仔出席「第14屆香港影視娛樂博覽」，明顯瘦咗好多，問係咪係咪為情消瘦？佢話：「冇咁脆弱，咁耐冇見簡短講，以後唔再問。我同千語分開咗一段時間，總之……其餘嘅事俾啲空間我。」問到係咪同張馨月拍拖？佢話﹕「所有感情事唔再講，希望專注工作。」
同千語係咪再見亦是朋友都唔答得？林峯諗咗一諗話﹕「喔，唔係，Ok嘅，好和平嘅。(有共識咗由你代表講？)er…講完喇，放過我。」再被追問之前唔講係保護對方？林峯即時轉話題﹕「之後工作好充實，之前有幾年工作比較放鬆咗，但跟住會好密。沉澱之後希望工作有新突破。」對於與千語分手原因？分手幾耐？係咪同張馨月相睇等問題，林峯都係淡淡然答﹕「感情唔再講。」
但同遊海洋公園當日，林峯父母同親戚都在場，咁係咪即係相睇？林峯迴避話﹕「真係唔講架喇，你知我私人嘢都唔鍾意講，（係咪單身？）感情嘢我真係唔講，私人嘢真係唔講喇，（女仔被起底喎...）唔講喇，講多錯多，多謝你哋，（唔戥佢慘呀？）多謝大家關心我嘅工作，今年對我嚟講真係好重要，係一個工作上嘅關鍵，因為今年電影已經有3部，電視劇有一部未播，仲有兩部拍緊，跟住仲要返內地，完咗《PTU》之後先一部電影，跟住再返內地。（係咪特登安排自己做咁多嘢？）唔係唔係，係Ronnie同Leo(經理人)一向嘅作風，就係塞滿我個期，工作狂，（係咪唔拍拖住？）工作為主啦，隨緣啦OK。」
相關新聞：
【狗仔出更】熊貓海豚變紅娘？林峯聞新戀情：唔好煩我喇！
http://bit.ly/2psqmhV
【爆相爆片】父母安排相睇？林峯掟公仔o氹「翻版千語」開心
http://bit.ly/2DtK2WA
【傳分訊幾個月】千語BB失戀旅行團 約姊妹滑雪散心
http://bit.ly/2HHVFMk
【手機殼Match！】林峯新歡起底 內衣模特兒着同款外套遊勻港島
http://bit.ly/2FBqaa0
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
