湯洛雯指都想妹妹湯樂瑤以學業為重。
有「靚湯」之稱的藝人湯洛雯去年9月孖住妹妹湯樂瑤（Cass）拍了一條名為「一秒變索女」的短片，意外令Cass成為網民追捧對象，大讚她美貌拍得住家姐！Cass還擁有驕人身材，呢日她就在社交網上載一條誘人短片，留言謂：「Happy Friday」，片段中的Cass身穿白色露肩上衣，躺在床上露出迷離表情，豈料地深吸力令其豐滿上圍奪衫而出，網民隨即留言表示鼻血直流，而身為家姐的靚湯更化身星級網民留言：「Wei ur ballball shern dim（喂 你個波波想點）」
事後靚湯接受東網電話訪問，問到妹妹是否想入行做藝人？她就表示：「我唔干涉佢，佢有自由，不過佢着衫同我好唔同，佢受外國教育，21、22歲鍾意着性感衫，不過佢本身唔係藝人，只係想share旅行靚相。」對於網民反應熱烈，靚湯亦表示嚇一跳：「佢已經刪除條片，作為家姐都想個妹學業為重，佢讀緊法律，好叻，啱啱攞咗獎學金。」而身為Cass叔叔的藝人湯鎮業，對於姪女大受網民歡迎，他同樣認為對方應該先以學業為重：「完成大學課程先，年輕人入行見識吓冇妨，屋企又唔係等佢養。」
而湯媽媽亦否認細女想入行：「佢係鍾意影靚相玩吓，作為媽咪，想佢讀完書先，呢個女有自己想法。」講到女兒身材好，是否遺傳自父母？湯媽媽就表示：「佢爸爸屋企嗰邊嘅親戚仔女個個都好高大。」
來源 source: http://hk.on.cc
|
鍾意就快D Share啦！
|
|
|
