熱爆娛樂: 【好大粒花生】古天樂開金口唱《男朋友》王梓軒扮熟被無視 _

2018年3月13日星期二

【好大粒花生】古天樂開金口唱《男朋友》王梓軒扮熟被無視 __,王梓軒,古天樂,

「人生有咩癲得過，喺古天樂古先生面前，大大聲聲唱佢嘅金曲《男朋友》？」相信真係少啲勇氣都做唔到…

呢件咁癲嘅事，發生喺一個晚上——香港電影工作者總會春茗。冇錯，正是噚晚喺尖沙嘴舉行嗰個，古天樂仲以演藝人協會會長身份出席，話想個會年輕化，幫多啲幕後創作，亦想提供更多醫療援助。古主席稱：「o依家個會有好多年紀大演員要幫助，但要半年時間去實行。」佢真係一個有心人。

但，呢個有心人，有一個死穴……唔係軚，係唱歌。當年佢出碟做歌手，都係……唔太想嘅。佢都講明：最憎唱歌。嘩，你睇番古仔當年嘅MV——經典過奧運六星「十字步式」嘅交叉走位。

不過噚晚咁高興，古仔亦同大家癲番下，聽大家唱佢首飲歌《男朋友》。 J Arie現場拍片直擊，聲稱「從來冇人夠膽係佢面前唱」，更難得嘅係，古仔中途真係有開金口唱0架。難怪 J Arie都忍唔住大嗌：「好爆……真係好爆！多謝我嘅No.1偶像古生！！！Respect and love forever！」仲hashtag歌詞。

片喺呢度： http://bit.ly/2IojaLd

睇番條片，大家圍住佢七情上面咁唱，古仔個表情係尷尬得嚟又有啲手足無措，亦有網民發現「古生眼中閃過一絲嘅憤怒」，而聲稱自言一滴酒都冇飲過嘅J Arie形容：「完全豁出去，唔知死字點寫！」而最大粒花生，由王梓軒派發。佢臨尾好high咁，諗住同古仔give me five，但被無視。結果？結果王梓軒硬生生將手放低。

咁之後點？古仔點名話：好鍾意J Arie佢哋今次演出呀！

J Arie ig截圖	大家留意下，唱歌嗰陣，王梓軒一直喺古仔身邊，緊守崗位。
「古生眼中閃過一絲嘅憤怒」網民發現…
歷史上100大最尷尬時刻來了…	一句到尾：無視。