2018年3月20日 星期二

公司清場!林家棟中乙型流感隔離三日 __,清場,林家棟,

林家棟與任賢齊(小圖左)出席太陽娛樂文化國際影視展活動。視帝林家棟及任賢齊(小齊)出席太陽娛樂文化國際影視展活動,家棟之後與太陽娛樂將合作兩部電影,包 ...


林家棟與任賢齊(小圖左)出席太陽娛樂文化國際影視展活動。


視帝林家棟及任賢齊(小齊)出席太陽娛樂文化國際影視展活動,家棟之後與太陽娛樂將合作兩部電影,包括《滅相》及《殊途同歸》,既擔任監製,又親自上陣主演。當中《殊途同歸》由他與任賢齊、陳小春、陳漢娜合作,而此片導演錢人豪表示之前三大賊王家棟、小春及小齊於《樹大招風》中未有踫面,今次會再將三大賊王連在一起,而沒有到場的小春則拍片支持。

小齊半夜飛山密會

家棟被問到今次由自己做監製,會否加多些戲份給自己時,他謂:「唔會,要清晰啲嘅,因為有三個男主角,大家嘅戲要平均,而且仲有女主角陳漢娜。(咁會唔會加自己片酬?)我都冇諗,根本未簽約,係一個新嘗試,唔係錢嘅問題,加上上次同小齊、小春合作好開心,故都希望合作多一次。」而小齊則表示很佩服家棟,並覺得他對電影好熱誠,將角色分配得很好及很平均。家棟又透露有日半夜打給小齊,對方十五分鐘後便即現身,笑指當時拿着頭盔的小齊飛車前來會他,小齊笑言:「聽完佢講,全晚都好興奮。(會參與寫劇本?)家棟會問囉!因為可以會更多火花。」講到今年家棟又監又演多部,會否很辛苦時,他又謂:「係㗎!今年終放都成事喇!呢兩部套戲都係我呢兩年一直忙緊嘅嘢,又要搜集資料,的確係辛苦,之前去英國工作返嚟,仲中咗乙型流感,仲要求公司清場,因為我要返公司工作,都自我隔離三日。」

小齊唔知黎明做老竇

此外,提到黎明快將做爸爸時,小齊表示:「係咩?真係恭喜晒!係一件好開心嘅事,因為呢幾日我好忙。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...