出爐影帝古天樂就話想將個獎當係生日禮物送畀爸爸。
《第37屆香港電影金像獎頒獎典禮》圓滿結束，香港九大電影公司齊集在尖沙咀附近一所餐廳舉行慶功宴，現場擠滿人相當墟冚，得獎者紛紛被現場人士「集郵」，當中出爐影帝古天樂一出場即引來全場歡呼，而最佳男配角得主姜皓文亦相當受歡迎。
問古天樂心情是否平復？他笑言ok，問到是否已預咗得獎？他說：「唔好諗太多，都冇諗定講咩，獎唔係一個人拎，係所有人付出。」他表示有留意黃秋生在台上的言論，認為每人都只是講出自己想講的說話，不想作評論。
問到得獎後會否加片酬？他說：「冇諗，留畀經理人講。（點慶祝？）要同太多人慶祝。（屋企人？）係呀！佢哋知，下星期係爸爸生日，到時再慶祝。（送個獎畀佢做禮物？）係呀！（下個目標係咩？）做想做嘅嘢，每朝瞓醒先諗，唔一定係事業上。」又指明天要開會，問是否心情鬆一口氣？他直言是不負眾望，要多謝很多朋友。
來源 source: http://hk.on.cc
|
鍾意就快D Share啦！
|
|
|
