憑《空手道》入圍女主角嘅Stephy鄧麗欣，今晚以超性感開胸裝示人，紅地毯司儀卓韻之同余迪偉笑言唔可以俾佢自己拎咪，因為會遮住晒。阿之問Stephy：「你郁唔郁得？」Stephy答：「我件衫郁得，個人唔郁得。」佢又話依家心情異常平靜，「我前日出post話心情好緊張，之後好多人都話我知佢哋都好緊張，我見咁多人咁緊張，我嘅心情反而變番平常，好期待發生。」
自言貼晒膠紙嘅周秀娜結果離罩疑走光，至於身穿開胸晚裝嘅Stephy呢，佢就話：「睇落好危險，其實好安全，條裙釘晒朱片好重，唔驚走光，反而驚kick親條裙，因為條裙好重，試裙幾分鐘條頸都好『聚』晒。」
Stephy自言對條裙一見鍾情，贊助商係Valentino，珠片係人手一塊一塊釘上去，所以要成30幾萬。同娜姐不約而同都係deep V，Stephy笑言：「係有分別嘅，有少少分別，不過唔多囉！佢多我少少。」何止少少……「我呢條裙唔係講呢啲嘢，係講整體。」佢又話唔驚比較：「一定比較0架預咗。」
娜姐大露背大deep v上陣，佢自言好穩陣安全，仲話：「最緊要靚！」娜姐行完紅毯受訪，問到怕唔怕走光，佢話已經好save黐咗好多貼紙，已經盡咗力性感，佢話今日儘量挺直腰，係人生最直，坐車着鞋唔可以彎低條腰。而佢件衫改過幾次，噚日改埋最後一次，都有刻意食少咗。問到個胸有冇減咗？娜姐話：「好彩size啱啱好，其實已經最安全。」佢透露今日戴嘅戒指都3卡，連埋頸鏈都2千萬。
來源 source: http://hk.entertainment.appledaily.com
|
鍾意就快D Share啦！
|
|
|
