馬浚偉身兼四職，佢就話有一班同事同佢分擔所以唔辛苦。
藝人馬浚偉到電台受訪為舞台劇宣傳，談及在舞台劇身兼四職，包括監製、導演、演員及編劇，問到為何咁辛苦自己？他表示身邊都有一班同事分擔，又指最辛苦的時刻已經過去：「2016年第一次做先最辛苦，再經過2017年去內地巡演，都已經有晒經驗。」馬浚偉透露是次演出有些場口會有所調動，令故事更順暢，而舞台、燈光及衣着都會是全新設計，自己都非常期待。他又大爆舞台劇於第一次公演時的「蝦碌事」：「有一個場口係有隻船喺台上面，係用摩打開動，但點知臨開騷前嗰摩打壞咗，好彩即刻有人搶修，如果唔係我會即刻改劇本。」
問到身邊是否有很多朋友打電話撲飛？馬浚偉打趣話朋友都好乖，都會打去訂飛熱線：「佢哋冇問我拎飛，全部都係買。」他又笑言預售賣飛當日已經爆晒，坦言有留定加場日子，希望大家多多支持。他亦講到是次公演有兩場是慈善場：「一直都希望可以做到將藝術同社會公益掛勾，今次亦都多謝慈善團體支持，自己私底下都有組織NGO，希望之後繼續有多啲慈善演出互動，覺得有一定能力就應該要回報番社會。」
來源 source: http://hk.on.cc
|
鍾意就快D Share啦！
|
|
|
