媽呀好亂呀！
近年圈中經常出現撞樣事件，好似內地男團Nine Percent嘅成員Justin（黃明昊）就畀人話佢同台灣歌手楊丞琳係失散姊弟。藝人湯洛雯同倪晨曦經常都被指似樣，佢哋兩個仲試過喺愚人節嘅時候互相甫出彼此嘅相，搞到一班網民頭都大埋！
今次台灣藝人陳漢典都加入埋呢一個撞樣戰團！呢日陳漢典就喺社交網甫咗一張同「小旋風」林志穎嘅合照，而且仲留低咗一條選擇題畀一班網民解答，陳漢典留言：「影視題！請問你看到了甚麼？1.小太陽和小旋風2.兩個小旋風3.以上皆非4.面目全非」唔少網民都問有冇第五個選擇，雖然有人笑言陳漢典似庾澄慶多過似林志穎，不過驟眼睇其實陳漢典同林志穎又真係幾似嘅！
來源 source: http://hk.on.cc
|
鍾意就快D Share啦！
|
|
|
