Nowhere Boys最近推出新嘅英文歌。
樂隊Nowhere Boys（NWB）最近推出新英文歌《Electronic Dreams》，主音Van指歌曲有科幻感覺：「講一個男機械人愛上創造佢嘅女科學家，係個幾悲壯嘅愛情故事。之前我哋未探討過人工智能，對呢個題材好有興趣。」他自言喜歡科幻小說，舊歌《Back in Time》與《紅藥丸．藍藥丸》的靈感同樣來自科幻電影。他透露新歌已寫了5、6年，本身關於暗黑愛情故事，但當時覺得歌詞未夠成熟：「我哋諗過轉做中文，但呢個旋律比較適合英文。」
提到與正在美國修讀音樂的鼓手Nate隔空合作，Van指對方除了填詞，還有編電子鼓：「我哋嘗試新嘅曲風，電子同少少迷幻，參考咗不同年代嘅電音同科幻戲配樂。之前佢返香港同我哋開騷，就用埋真鼓錄音。」至於可擔心英文歌宣傳較難？Van指NWB一開始就是唱英文歌，而且英文歌有機會令他們接觸到東南亞等地的樂迷。另外，NWB正不斷寫歌和各自修行，希望等Nate學成歸來就推出大碟和開演唱會。
說到MV是動畫形式，Van笑言有預算限制，難以拍出真正的科幻感：「用動畫都交代到個故事，又可以扣埋落音樂，個畫面好Powerful就OK。他們邀請了好友兼插畫家黎特幫手，對方選用平時較少用的畫風：「佢第一次聽到首歌，已經即刻畫咗一幅男機械人攬住女科學家嘅畫畀我哋睇，好正！英文歌加本地畫風，好代表到香港。我哋造呢首歌造得好開心，始終我哋都係Sell電影式搖滾曲風，呢首歌真係擺咗好多電影配樂同元素，可以確立我哋嘅音樂取態。我哋最想展示唔同曲風，所有嘢都涉獵吓，將我哋覺得好聽嘅都變成主流。」
來源 source: http://hk.on.cc
|
鍾意就快D Share啦！
|
|
|
