粉絲就大飽眼福！
歌手黎瑞恩（小恩子）首場假紅館《黎瑞恩感恩有你演唱會2018》的第二位嘉賓是譚詠麟（阿倫），他以西裝Look現身，與小恩子合唱《明天你是否依然愛我》，唱至中段時二人跳起舞上來，十分爆笑！唱完之後，阿倫先開口恭喜小恩子，又笑言自己專登着西裝襯番小恩子：「其實我哋唔係咁熟，唔知點解會做嘉賓，但之前聽過人話小恩子好夠義氣，每次猜枚猜輸咗都會幫手頂酒！」說畢小恩子就落台換衫，留低阿倫唱出《First of May》。惟小恩子準備需時，當阿倫唱完之後要再講多兩句，抵死笑話：「你估我係黃子華咩？佢都退休啦。啱啱都講話今日衣着專登襯番小恩子，覺得佢好似一棵大樹咁，咁我惟有做菠蘿，就係一個新組合『大樹菠蘿』。」此無厘頭發言令全場捧腹大笑！
之後小恩子與一眾同樣穿上印度傳統服飾的Dancer再上台，載歌載舞唱出《錯在多情》、《大個唱》等歌曲，還跟Fans一齊大合唱。唱至《愛你一定快樂》的尾段時，小恩子先行落台，此時身後的大螢光幕展示出小恩子小時候與家人的照片、初入行、獲獎、錄音、於台上演唱及與好友的照片，而最後一幕就是小恩子與一對子女的旅行照，場面非常感人！
再換上藍色公主裝、淺露事業線的小恩子出場演唱《問候》，唱完有Fans大叫流鼻血，小恩子即時用手拉起條裙，搞笑話：「叫佢做高啲，都唔知做咁低做咩！」但小恩子邊唱條裙就邊跌，十分吸睛！
來源 source: http://hk.on.cc
|
鍾意就快D Share啦！
|
|
|