舒淇唔意外黎明做老竇。
女星舒淇、導演杜琪峯（杜Sir）、日本導演矢崎仁司及李駿碩等到油麻地出席電影活動，分享對香港電影及新進導演的期望，舒淇在台上說：「新導演最緊要有能力講故事，對電影要有熱情，新導演要有自己風格，唔好後悔，唔好聽人哋意見……」她不忘向杜琪峯笠高帽：「除咗杜Sir嘅意見之外。」杜琪峯則表示已想請舒淇出席此電影活動多年，今年終於成功求到她。
事後兩人接受訪問，舒淇表示杜琪峯太客氣，其實對方只是第一次找她，杜琪峯說：「因為知佢忙，今年我好彩咋！否則下一年都要追佢。（點解搵舒淇？）佢得過好多獎，對電影圈有貢獻，畀到年輕新導演有勇氣同動力。」
拍戲唔不一定為錢
問舒淇有否新導演找她合作？她笑說：「從來冇！反而新入行嗰陣就有，其實我幾鍾意拍導演第一次嘅戲，佢哋應該由有經驗嘅人帶住，演員就做好自己，唔好加重佢哋壓力，同埋增加新導演熱情。（冇新導演搵你係咪你太貴？）梗係唔係，我都係睇劇本。」杜琪峯亦撐她拍戲並不一定為錢。問舒淇有否興趣自己做導演？她即耍手擰頭，杜琪峯笑說：「做演員好地地，做乜做導演，辛苦工作，導演係厭惡性行業。」
想復工拍短片
近月舒淇因皮膚敏感問題而停工休息，問到何時復工？她坦言要過完暑假再看情況：「依家狀況比之前好好多，希望可以拍吓短片嘅。」提到舊愛黎明將做老竇，舒淇保持笑容說：「呢啲八卦嘢唔答啦。（真嘅？）真嘅唔係八卦咩？（覺唔覺意外？）都唔會，都係時候。（咁你都努力啲？）盡量我順其自然。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|