掃呢頁CODE去手機

2018年4月4日 星期三

晒童年泳衣相 欣宜自嘲肚腩冇變過 __,欣宜,

好可愛呀!今日係兒童節,一班女星都有喺社交網上載童年照應節,當中Keep住個樣廿年如一日嘅一定非鄭欣宜莫屬,佢上載一張細個着住紅色比堅尼嘅相,當時嘅佢 ...


好可愛呀!


今日係兒童節,一班女星都有喺社交網上載童年照應節,當中Keep住個樣廿年如一日嘅一定非鄭欣宜莫屬,佢上載一張細個着住紅色比堅尼嘅相,當時嘅佢已經肥嘟嘟超得意!真係無論係樣貌同身形都冇變過,佢自己都留言話:「兒童節快樂!呢個穿著(着)比基尼嘅小朋友由細細個開始已經好鍾意表演俾(畀)大家睇。唱歌、跳舞、朗誦、模仿、打關斗、一字馬⋯大家越(愈)有反應,掌聲越(愈)大,笑聲越(愈)多佢就越(愈)投入。目的係要為大家生命多加一點色彩。呢個小朋友已經變成大人了。但佢從來都冇變過(肚腩大細差唔多)。還有16日就會第一次踏上屬於自己嘅紅館舞台。4月21、22號祝佢Break A Leg!勿忘初衷!」佢仲搞笑話自己影水着的癖好由幾歲開始!

除咗欣宜之外,以下女星就真係要考下大家眼力先認到,第一個就係鄧麗欣,童年嘅佢留有齊蔭頭,不過網民就話佢女大十八變,同依家唔多似樣!而另一位就係姚子羚,佢張童年相好搞鬼,冬菇頭嘅佢合埋眼擘大個口,驟眼睇成個男仔咁,同依家女神形象爭好遠!最後一位係鄧佩儀,細細個嘅佢已經生得好清秀,同依家分別都唔算大嘅!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!