掃呢頁CODE去手機

2018年5月7日 星期一

【未保住第3胎 】「偵測不到心跳」大S認流產:接受醫生建議放棄 __,大S,徐熙媛,

41歲大S(徐熙媛)早前身體欠安,一度傳出癲癇復發引致暈倒,需救護車緊急送院,出院後先報喜,承認陀第三胎,當時係因為BB未夠三個月先冇對外講(新聞連結 ...


41歲大S(徐熙媛)早前身體欠安,一度傳出癲癇復發引致暈倒,需救護車緊急送院,出院後先報喜,承認陀第三胎,當時係因為BB未夠三個月先冇對外講(新聞連結:https://bit.ly/2rpiD4S)。

大S陀B進入11周,就嚟夠三個月,今日有傳大S證實流產,同好姊妹講「寶寶沒有心跳了」,台媒亦曾向其經理人廖瑋琪求證,對方指BB喺八周先有心跳,不過「醫生偵測不到,所以(大S)接受醫生建議放棄」,之前大S講明唔會再生B,更要求老公汪小菲結紮,點知忽然有咗第三胎,面對流產一事,大S好悲痛,不過態度比較冷靜。

據台灣報道指大S早前身體一直唔太好,加上41歲係高齡產婦,起初又唔知道懷孕,接咗唔少工作,大S一向敬業唔想毀約,大S近期做《我要當女一》評審同大陸綜藝實境《幸福三重奏》。大S喺懷孕初期,已多次向《女一》請病假,錄製第2集嗰陣就算不適,仍堅持到現場,除咗孕吐不舒服,甚至喺現場嘔出膽汁,現時已暫停錄影,搵咗柯佳嬿暫代大S,等大S好啲先,製作人都希望佢再返嚟錄影。

此外,大S於2016年透露喺生囝囝時,宮縮痛楚嚴重,痛到體力不支,又對止痛藥物過敏,導致生B過程中出現短暫缺氧、昏迷嘅癲癇狀況,於加護病房逗留一個晚上,當時佢昏迷咗10日。

精選娛聞,喺晒《娛果》

http://fb.com/appledailyent


鍾意就快D Share啦!