扭蛋機交友的熱潮不絕，記者發現除了在石硤尾有一部緣份扭蛋機，近日在葵涌也出現了一部佛系扭蛋機。店主為了使佛系扭蛋機與別不同，更收集登記人的生日資料，加入星座配對的元素，增加趣味。
二十五歲的店主Kenneth表示：「我自己都係九十後，識朋友唔係真係咁容易。」他指從事長工時如零售業的男女，更難交友，「一個人，返工放工都係搵番自己嘅舊朋友、舊同學，可能識唔到新嘅人。」
受訪的這名八十後的女生，就表示自己對扭蛋交友不太感興趣，「我覺得擺得落去都可能係啲宅男呀，類似嗰啲，即係可能條件會比較差嗰啲。」她認為，雙方能夠溝通是最重要的。「我覺得佢哋速食嘅世界，可能無乜時間去了解，或者真係會出嚟食幾次飯。」她續指，「我覺得係好多人已經無心機去做了解呢一部分，好多時可能而家太科技方便，甚至乎好多時去了解都係喺WhatsApp，傾咗兩個禮拜已經係好長時間，已經覺得好花時間。我哋呢個年紀可能比較鍾意兜口兜面傾偈會舒服啲。」
已婚的許小姐指自己都曾經玩過交友軟件，她認為港人溝通渠道都是以社交平台為主：「讀書嘅時候都有玩過ICQ嘅，跟住出嚟做嘢都係用Facebook。」她認為，結交朋友需要時間，欲速則不達，「個心態就係會覺得個關係愈快，即係互相認定對方是男女朋友，然後未了解就已經發生關係，嗰啲通常就會好短暫。」
而八十八歲的陳伯就表示，以前認識另一半多是通過朋友或家人介紹。他但強調見面是十分重要的，「就算喺茶居飲茶，你叫句靚仔，我又讚你幾靚，即係大家互相搭訕，問吓得唔得閒去飲茶傾吓偈，去吓旅行，佢應承嘅話，咁就搞掂啦。」
撰文：陳慧瑩、文倩儀
攝影：王晴、李育明
來源 source: http://nextplus.nextmedia.com
|
鍾意就快D Share啦！
|
|
|