網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年5月2日 星期三

【狗仔出更】親力親為落場打點 梁詠琪開舖賣西班牙童裝 __,梁詠琪,

潮媽梁詠琪(Gigi)有個3歲女兒Sofia,經常為佢扮靚置裝,忽發其想,不如搞個童裝品牌,咁啱老公又係西班牙人,順理成章,佢哋就入咗一個童裝品牌Na ...


潮媽梁詠琪(Gigi)有個3歲女兒Sofia,經常為佢扮靚置裝,忽發其想,不如搞個童裝品牌,咁啱老公又係西班牙人,順理成章,佢哋就入咗一個童裝品牌Nanos,最近仲喺尖沙嘴為品牌搞咗個Pop up store。

噚日朝早10點幾,Gigi同老公現身尖沙嘴海洋中心,兩公婆拍住拖去佢哋為童牌NANOS開設嘅Pop up store,可能因為時間尚早,舖頭未開門,而且一個員工都冇,現場都仲係鋪住布。老闆娘Gigi去到就急不及待拉起啲布準備開舖,跟住冇幾耐啲員工都陸續返來,Gigi就繼續打點一切,老公Sergio就望下啲櫃位,整理下啲貨,佢兩公婆都有商有量,不時都會傾下點布置個場。

開舖之前,老闆娘Gigi就同5個員工傾下偈,講下可以點樣做,其間有人送個花籃到場,開舖冇耐就已經有唔少人入場,啲人見到Gigi都眼望望,Gigi同老公Sergio留咗一個鐘就離開,等一班員工留守,繼續努力。

精選娛聞,喺晒《娛果》

http://fb.com/appledailyent

攝影:朱志聰、羅德光 梁詠琪同老公引入咗童裝品牌Nanos

最近仲喺尖沙嘴為品牌搞咗個Pop up store

老闆娘Gigi去到就急不及待拉起啲布準備開舖

跟住冇幾耐啲員工都陸續返來,Gigi就繼續打點一切

開舖之前,老闆娘Gigi就同5個員工傾下偈,講下可以點樣做

開舖冇耐就已經有唔少人入場,啲人見到Gigi都眼望望

鍾意就快D Share啦!