基仔在紅館發生意外。
歌手古巨基紅館演唱會今晚第二場，現場消息指基仔乘時光機唱完第一首歌《爆了》後，時光機在其身後從升降台降落，形成一個大窿，基仔不為意的基仔叉錯腳，向後行跌了落台中間個窿，並大叫一聲，全場十分震驚，由於舞位台至台底約兩米高，由此高度跌下情況可大可小。現場工作人員即刻衝入後台幫手，在台底的古太被嚇得眼濕濕，並衝前了解老公傷勢。約十分鐘後基仔才上番台，全場即報以歡呼聲！
連講三次「我冇事」
基仔邊摸後頸，邊向大家報平安：「冇問題，係我錯，係我唔知道唔記得咗時光機個位，冇問題！多謝你哋，願意喺度等番我上來，我好想繼續落去，我盡力繼續落去，冇事......大家不用緊張，不用擔心，冇事......上天會保祐我，冇事......我行到係咪？講到邊度？我由頭嚟過啦﹗」此時觀眾歡呼聲四起，令基仔非常感動，續講：「最大努力演出，回報大家。暫時講咁多先，唱《必殺技》！我係背脊落地，安全冇事。不過一陣如果換衫位耐啲，跳舞嗰啲！大家體諒吓﹗」然後唱出《必殺技》。
Mani趕往紅館
基仔經理人霍汶希（Mani）在基仔出事後，Mani透露說：「基仔頭先喺升降台度跌咗落去，好彩應該係跌親啫，可能條頸有啲跌倒，我哋依家全部人都過緊紅館睇佢，等佢唱完歌可能會去醫院照一照，佢仲唱緊歌，傷勢應該唔係好重。」Mani已第一時間飛車趕去紅館。約十時，Mani抵達紅館，見她邊講電話，似是心事重重，入了去紅館後再出番來上香。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|