朱玲玲、趙雅芝、朱千雪、朱凱婷、陳茵媺、張名雅、唐麗球、岑杏賢、戚黛黛、邵珮詩、梁麗翹、吳幸美、周美欣等近百位前港姐，今日齊集現身灣仔君悅酒店出席慧妍雅集活動，媽咪級嘅楊思琦同張嘉兒谷胸上陣，但都不及近日捲入「強吻事件」傳聞嘅麥明詩咁搶fo，佢穿上一條超貼身，金色透視tube dress，佢笑言怕自己承托力唔夠。
對於魏焌皓表示私下曾與麥明詩聯絡，問係咪一場誤會？問係咪真係有搵過佢？麥明詩話:「有關呢件事，我噚晚喺活動講咗我要表達嘅嘢，我唔想再去講，令件事沒完沒了。」
問到麥明詩冇否認亦冇承認，如果對方真係冇，佢咪冇幫對方澄清？麥明詩話：「佢都澄清咗，我亦講咗我想講嘅嘢。冇必要喺呢件事上糾纏落去，希望呢件事告一段落。大家焦點去返慧妍雅集度。」
咁麥明詩嗰段時間有冇向高層投訴過？佢停一停，然後話:「已經交代咗。」事後公司有冇搵你？佢話:「公司日日都有搵我，不過傾工作。」公司係咪叫你封口唔好再講？佢話:「係我唔希望再講啫。」同魏焌皓係咪朋友？麥明詩:「我哋一向係同事，現在佢離開咗唔係同事，所以我哋只係江湖上嘅朋友。」講到今晚有拍賣環節，自己有冇捐嘢拍賣？佢話:「我未去到呢個位置，自己日常用品都唔係名牌，自己仲後生，身體力行支持啦。今次第一次參加，見到好多師姐，好欣賞佢哋為慈善出力。」
相關報道：
【拍《使徒行者》出事？】盛傳曾強吻麥明詩遭投訴 魏焌皓：絕對冇
https://bit.ly/2KwASgG
【傳曾遭魏焌皓強吻】麥明詩未否認：最有責任嘅做法係唔好講咁多
https://bit.ly/2Id3TzP
精選娛聞，喺晒《娛果》 http://fb.com/appledailyent
|
鍾意就快D Share啦！
|
|
|